ЯҢАЛЫКЛАР

12 мартта Әлмәт районының Экономика, сәнәгать һәм сәүдә идарәсе җитәкчесе Светлана Лаптева җитәкчелегендә “Инвалидларны һәм социаль яклауга аеруча мохтаҗ гражданнарны куелган квота һәм резервланган эш урыннары исәбенә эшкә урнаштыруга булышлык итү” темасына Мәшгульлек үзәге оештырган киңәшмә булды.

Бүген ӘМР башкарма комитеты җитәкчесе вазифаларын башкаручы Айрат Хәйруллин шәһәрнең социаль-экономик үсешенә зур өлеш кертүче сәнәгать предприятиеләре белән таныша башлады.

ТР дәүләт хезмәтләре порталында башкарма производство буенча бурычларны түләү сервисы яхшыртылган. Хәзер суд приставлары алдындагы бурыч турындагы мәгълүматны туу датасы, фамилия һәм исем буенча табарга җиңел.

Бүген ТР Министрлар Кабинетында агымдагы елда Татарстанда Парклар һәм скверлар елын уздыруга багышланган әзерлек чаралары турында брифинг уздырылды. Киңәшмәдә ТР урман хуҗалыгы министры Алмас Нәзиров һәм башка рәсми затлар катнашты.

Быел тулысынча Кояш тотылу, язын була торган көн белән төн озынлыгы тигезләшүенә бер тәүлек кала, күзәтеләчәк. КФУның Физика институты астрономия һәм космик геодезия кафедрасы доценты Роман Жучков сүзләренә караганда, Казанда аның 0,57 өлешчә фазасы күзәтеләчәк, ягъни, Кояш дискының яртысыннан күбрәген Ай каплаячак. Шуны да билгеләп узу кирәк: Татарстан башкаласында тулысынча Кояш тотылу 2061 елда гына күзәтеләчәк, әмма аның өлешчәсен күзәтү дә бик кызык. Быелгы Кояш тотылу 20 мартта сәгать 12.29 башланып 14.34тә тәмамланачак. Казанда максималь фаза сәгать 13.33тә булыр дип көтелә.