ЯҢАЛЫКЛАР

Район башлыгы белән үткән йомгаклау матбугат конференциясендә белем бирү сферасы актуаль темаларның берсе булды.

“Полиция Кыш бабае” Бөтенроссия акциясе кысаларында Эчке эшләр министрлыгының Әлмәт районы бүлеге хезмәткәрләре Яңа Кәшер санатор интернат-мәктәбе укучыларына бәйрәм ясады.Бүгенге көндә биредә 87 укучы белем ала. Балигъ булмаган балалар белән эшләүче инспектор Айнур Сөнгатуллин инде бишенче ел Яңа ел тылсымчысы булып киенә. Ә менә Анастасия Чумарованың Кар кызы булуы беренче тапкыр икән. Балалар Кыш бабай килүгә бик нык әзерләнгәннәр. Алар Кыш бабай һәм Кар кызына үзләренең иң матур биюләрен күрсәттеләр. Бәйрәм ахырында Кыш бабай балаларга татлы бүләкләр өләшеп чыкты.

“Русская классика” хоккей ярышларын уздыру турындагы карар нигезендә 28 декабрь көнне 15.00 сәгатьтән алып 21.00 сәгатькә кадәр, 29 декабрь көнне 16.00 сәгатьтән алып 22.00 сәгатькә кадәр Төзүчеләр проспекты боҗрасыннан алып Ленин һәм Мәрҗани урамнары чатына кадәрге участокта 5 нче һәм 9 нчы автобусларның хәрәкәт итү маршруты үзгәрәчәк.

23 декабрьдә Әлмәт шәһәренең халыкны эш белән тәэмин итү үзәгендә эшләүче хезмәткәрләренең балалары өчен яңа ел бәйрәме үткәрелде.

27 декабрь көнне 10.00 -11.00 сәгатьләрдә 4 яшьтән алып 14 яшькә кадәрг балалар  45-60-74  номеры буенча шалтыратып Кыш бабай белән сөйләшә алачак.

Алда торган Яңа ел бәйрәмнәренә әзерлекне терроризмга каршы комиссия утырышында тикшерделәр.

Татарстан Республикасының Бокс федерациясе өчен 2018 ел үзгәрешләр һәм истә кала торган вакыйгалар елы булды. 

Шикәр чире балалар арасында иң киң таралган авыруларның берсе булып тора. Бүгенге көндә Әлмәтнең перинаталь үзәкле балалар хастаханәсендә беренче типтагы шикәр чире белән 64 бала исәптә тора. “Нур” хәйрия  фонды Әлмәт балалары өчен Яшьләр үзәгендә Яңа ел бәйрәмен оештырды. Татлы бүләкләр урынына балаларга мәктәп кирәк-яраклары, өстәл уеннары, өй шартларында кандагы шикәр күләмен үлчәү җиһазлары тапшырылды.  Әлмәт фельдшерлары танылган мультфильм персонажлары булып киенеп балаларның күңелен күрде, алар белән фотога да төштеләр. Бу көнне балалар һәм аларның әти-әниләре өчен “Өч дуңгыз баласы” дип исемләнгән музыкаль спектакль дә күрсәтелде. Соңынннан сабыйлар Кыш бабай белән Кар кызы һәм Фиксиклар белән бергә үзләренең Яңа ел теләкләрен теләделәр. Яңа ел утлары, чыршы тирәли әйлән-бәйлән уйнаулар кечкенә организмга гадәти яшәү рәвеше алып барырга ярдәм итүче уңай хис-кичерешләр бүләк итте.

«Шәһәрнең кышкы мәдәни мөхите» проекты кысаларында чаралар дәвам итә. 21 декабрьдә алар үзәк чыршы ачылу көнендә ДК «Нефтьче» мәйданында үттеләр. 22 декабрьдә «Яшьлек» һәм Әлмәтнең 60-еллыгы исемендәге скверларда, Татарстан нефтенең 60 еллыгы исемендәге шәһәр паркында, «Татнефть» компаниясе янындагы мәйданда һәм «Теннис-сити» спорт клубы мәйданында әлмәтлеләр һәм шәһәр кунаклары өчен күңел ачу программалары оештырылды.

18 декабрь көнне 57 нче “Соловушка” балалар бакчасында юл хәрәкәте кагыйдәләре турындагы белемнәрне ныгытуга юнәлтелгән чара узды.Максаты – балаларга юл хәрәкәте кагыйдәләрен өйрәтү барышында  укытучыларның һәм ата-аналарның тырышлыгын берләштерү, балалар катнашындагы юл-транспорт травматизмын  профилактикалау һәм тәҗрибә уртаклашу.