ЯҢАЛЫКЛАР

Хезмәткәрләрнең тормыш дәрәҗәсен күтәрү һәм керемнәрне легальләштерү буенча ведомствоара комиссия эше кысаларында «Альметьевскгаз» ЭПУ пенсия алды яшендәге хезмәткәрләренең алдагы хезмәт эшчәнлегенең хәлен бәяләү өчен очрашу уздырылды.

Бүген  Татарстан  Республикасы Хөкүмәте Йортында  узган  киңәшмәдә  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры  Марат  Әхмәтов  үсемлекләрне  яклау  һәм  терлек  азыгы  җыю  буенча  башкарылачак  чаралар  турында  сөйләде. 

2 июньдә данлыклы төзүчеләр когортасы вәкиле, тыл хезмәтчәне, Татарстан Республикасының атказанган төзүчесе, газ сәнәгате министрлыгы отличнигы, коммунистлар хезмәте ударнигы Мөхәммәтгәрәева Мәрьям Габделхай кызына 90 яшь тулды. Яраткан әни, әби, дәү әбине тәбрикләр өчен балалар, оныклар һәм туганнар килде. 

31 май көнне 13.45 сәгатьтә 112 бердәм номерына Урсала микрорайонындагы буада ике бала баткан дигән хәбәр килеп ирешә.

1 июнь - Халыкара балаларны яклау көне. Әлеге көн, иң беренче чиратта, балаларның хокукларын саклау көне буларак кабул ителгән. Бәйрәм уңаеннан район башлыгы Айрат Хәйруллин Татарстан сәламәтлек саклау министры Марат Садыйков белән шәһәребезнең балалар хастаханәсендә кунак булды.

«Үзәге шәһәр статусында булган иң яхшы муниципаль район» номинациясендә Әлмәт районы – беренче урында. Татарстан Республикасы Президенты Рөстәм Миңнеханов район башлыгы Айрат Хәйруллинга җиңүчн дипломы һәм балалар уен мәйданына сертификат тапшырды.

Татарстан Республикасында хезмәтне саклау өлкәсендә 2019 ел башланганнан бирле Дәүләт төзелеш күзәтчелеге инспекциясе тарафыннан 548 тикшерү уздырылган. Хезмәтне саклау кагыйдәләрен һәм нормаларын бозган өчен 5 млн. 95 мең сумлык 122 карар чыгарылган.  Үзлегеннән җайга салынучы оешма тарафыннан 513 оешма әгъзасына тикшерү уздырылган. Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы Төзелеш, архитектура һәм ТКХ министры Ирек Фәйзуллин хәбәр итте. Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Премьер-министры Алексей Песошин да катнашты.   

31 майда Әлмәт дәүләт нефть институтында 2050 елга кадәр муниципалитет үсеше юнәлешләрен билгеләү буенча Стратегик сессия узды. Аның эшендә студентлар, шәһәр һәм район иҗтимагый оешмалары вәкилләре, предприятиелар, учреждениеларның җитәкчеләре, әлмәтлеләр катнашты.

Әлмәтнең халыкны эш белән тәэмин итү үзәге тарафыннан мәгълүмати эш алып бару нәтиҗәсендә пенсия алды яшендәге егерме кеше «Өлкән буын» федераль проектының Татарстан Республикасындагы «Демография» милли проекты кысаларында һөнәри белем алуны (өстәмә һөнәри белем) оештыруга гариза белән мөрәҗәгать итте.

Әлмәт җылылык челтәрләре котельныйларының профилактик ремонт эшләр бару сәбәпле тукталып торуы май ахырында ук башланды. Хәзер эшләр 41 нче котельныйда уза. Ул 11 июнь көнне эшли башлаячак.