ЯҢАЛЫКЛАР

Югары Мактама авыл мәдәният йортында 31 мартта “Иң яхшы клуб хезмәткәре – 2014” һөнәри осталык конкурсының финалы булды. Финалга барлыгы 9 мәдәният хезмәткәре үткән иде.

Барлык сорау-җавапларны да без яңалыклар тасмасында биреп барабыз. Вакыйгаларны күзәтеп торыгыз. Әгәр дә берәр сәбәп белән гражданнарның ӘМР интернет-порталы аша “Район башлыгына сорау бир” рубрикасына мөрәҗәгатенә җавап яңалыкларда табылмаса, аны “Сорауларга җаваплар” бүлегендә һәрвакыт табарга була. Текстларда сорау авторының һәм җавапның стилистикасы саклана.

10-12 апрельдә Әлмәт татар дәүләт драма театрында Театр коллективларының XIV төбәкара “Идел-йорт” фестиваль-конкурсы II зона туры үтәчәк.

Фестиваль программасында:

10 апрель, 18.00 сәгатьтә “Гүргә керер сер иде”, Равил Кинҗәбаев. Яңа Нәдер мәдәният йорты. Драма 2 пәрдәдә.

11 апрель, 18.00 сәгатьтә “Өзелгән яфраклар”, Рәмзия Габделхакова. Лениногорск мәдәният йортының халык театры. Драма 2 пәрдәдә.

12 апрель, 14.00 сәгатьтә “Гайни бабай, өйлән давай”, Гөлшат Зәйнашева. Башкортстан Республикасы Илеш район мәдәният йортының “Чагыл” халык театры. Комедия 2 пәрдәдә.

Иртәгә көндез 2 градус салкыннан 3 градуска кадәр җылы

26 мартта КНИТУ-КАИның Әлмәт филиалында Россия Федерациясендә җирле үзидарәне үстерү проблемалары буенча түгәрәк өстәл булды. Бу институтның гражданлык җәмгыятенең бер билгесе буларак әһәмиятен исәпкә алып, түгәрәк өстәлдә катнашучылар җирле үзидарәне гамәлгә ашыруда халыкның активлыгын күтәрү зарурлыгын билгеләп үттеләр.

1 апрельдән хезмәт пенсияләре Идел буе федераль төбәгендә, 2013 елда 1 пенсионерның керемнәр үсеше индексын исәпкә алып, өстәмә индексацияләнәчәк.

Тулар-тулмас өч айда Әлмәттә балигъ булмаган яшьтәгеләргә спиртлы эчемлек саткан өчен 23 кеше җавапка тартылды. Аларның дүртесенә карата балаларга спиртлы эчемлекләрне берничә тапкыр саткан өчен җинаять эше кузгатылды.

Шушы көннәрдә ТР төзелеш, архитектура һәм ТКХ министрлыгында ӘМР башлыгы Мәҗит Салихов катнашында Әлмәттә канализация чистарту корылмаларын реконструкцияләү мәсьәләсе буенча киңәшмә булды.

Әлмәттә 45нче “Космос” балалар бакчасында ӘМР МЯБ учреждениеләре физик культура инструкторлары методик берләшмәсенең киңәшмәсе булды. Ул мәктәпкәчә яшьтәге балалар учреждениеләрендә балаларны сәламәтләндерүнең заманча юнәлешләре проблемасына багышланган иде. 45нче балалар бакчасының инструкторы Юлия Балашова өлкән төркем балалары белән “Космоска сәяхәт” темасына турыдан-туры укыту-өйрәтү эшчәнлеге алып баруны күрсәтте.