ЯҢАЛЫКЛАР

Бүген дөньябызның төрле почмакларында Яз һәм Хезмәт көне уңаеннан бәйрәм чаралары уза. Әлмәт халыкара шаукымнан читтә калмады. Бездә бәйрәм арабыздан киткән Хезмәт каһарманнарын искә алудан - Татарстан нефтенең 60-еллыгы исемендәге шәһәр паркында урнашкан Каһарманнар аллеясына чәчәкләр салудан башланды. Әлеге хөрмәт күрсәтү чарасында Әлмәт муниципаль районы башлыгы Айрат Хәйруллин, шәһәр һәм район җитәкчелеге, “Татнефть” компаниясе, профсоюз оешмалары вәкилләре һәм Хезмәт каһарманнары үзләре дә катнашты

Халык миграциясе илебезгә дә, шәһәребезгә дә төрле инфецияләр керүгә китерә. Әлмәтлеләргә вакцинацияләү мөһимлеген аңлату максатыннан, 24-30 апрель көннәрендә барлык Әлмәт дәвалау-профилактика учреждениеләрендә халык белән очрашулар үтте.
Бүген исә ӘМР Сәламәтлек саклау идарәсендә “Вакцинация – сәламәт киләчәк: уңай һәм тискәре яклары” темасына түгәрәк өстәл узды.

Бүген Рус Православие Чиркәве якты Христос Терелү көне – Пасха бәйрәм итә. Әлмәт епархиясендә төп гыйбадәт кылу Казан кафедраль соборында узды.

Яз һәм Хезмәт көне – яңа өметләр, игелекле хис-тойгылар , якты тәэсирләр бәйрәме ул. Озын кыштан соң килгән язгы кояшлы көннәрне һәрберебез шатланып каршылый. 1нче май – уянып килүче табигать шатлыгы гына түгел, туган җир файдасына кылган изге гамәлләр дә ул.

Бәйрәмне һәр буын үз итә. Өлкәннәр өчен ул хезмәтчәннәр теләктәшлеген символлаштырса ,яшьләргә яңалык, якты өметләр итеп кабул ителә.

Сезне Яз һәм Хезмәт көне – туган районыбызның киләчәге өчен армый-талмый хезмәт куйган һәр кешенең бәйрәме белән ихлас котлыйм! 

Чын күңелемнән сезне православие динендәге һәркемнең күңеленә якын якты бәйрәм – Христос Терелү көне белән котлыйм!

Пасха – христианнар өчен мөһим вакыйга! Ул дөньяны үзенә бертөрле шатлык һәм дини ышану яктысына төрә, кешеләргә мәхәббәт, якты өметләр һәм игелеккә омтылыш иңдерә. Пасха бәйрәме уйларыбызны рухи байлыкларга юнәтә, рухи ныклык үрнәге бирә, шәфкатьлелеккә һәм миһербаглылыкка өйрәтә. 

Бүген Әлмәттә “Милли сәүдә маркасы” II Республикакүләм фестиваль-бәйгенең «Каймак», «Казылык» и «Чәк-Чәк» номинацияләрендә зональ туры узды. Фестивальда сөт, ит, икмәк ризыклары һәм сәнәгать товарлары җитештерүчеләр катнашты, алар үзләренең иң сыйфатлы товарларын тәкъдим итте. Фестивальнең максаты – үз төбәгебездә җитештерелгән экологик чиста продукцияне популярлаштыру.

Татарстан Республикасы чәчү кампаниясенә тулысынча кереште. Бүген ТР Хөкүмәте йортындагы республикакүләм киңәшмәдә ТР Премьер-министры урынбасары - авыл хуҗалыгы һәм азык-төлек министры Марат Әхмәтов язгы кыр эшләре барышы буенча хисап тотты.

Татарстанда 29 апрельгә 771,1 мең кв. метр торак сафка кертелгән, бу узган елның шул ук чорына карата 101,6 % тәшкил итә.

Бүген ӘМР Советының сигезенче сессиясе һәм Әлмәт шәһәр Советының сигезенче утырышы булды. Аның эшендә район башлыгы Айрат Хәйруллин, ТР Дәүәт Советы, Әлмәт шәһәр Советы депутатлары, Совет һәм башкарма комитетның җитәкче һәм җаваплы хезмәткәрләре, шәһәр һәм район активы, массакүләм матбугат чаралары катнашты.

Финанс-бюджет палатасы рәисе Зөлфия Шәйдуллина 2015 елда Әлмәт муниципаль районы бюджеты үтәлеше турында чыгыш ясады. 

30 апрельда Әлмәттә “Милли сәүдә маркасы” II Республикакүләм фестиваль-бәйгенең «Каймак», «Казылык» и «Чәк-Чәк» номинацияләрендә зональ туры узачак. Фестивальда сөт, ит, икмәк ризыклары һәм сәнәгать товарлары җитештерүчеләр катнашачак, алар үзләренең иң сыйфатлы товарларын тәкъдим итәчәк. Фестивальнең максаты – үз төбәгебездә җитештерелгән экологик чиста продукцияне популярлаштыру.