ЯҢАЛЫКЛАР


23
июль, 2014 ел
чәршәмбе
Татарстан Экология һәм табигый байлыклар министрлыгы Яшьләрнең “Саф караш” 3нче ачык социаль-экологик реклама конкурсы башлану турында белдерә.
Татарстанда 22 нче июльдән алып 22 нче октябрьгә кадәр “Китапка икенче тормыш бүләк ит!” хәйрия акциясе уза.
Татарстанда алмашынучан болытлы һава булуы, көнчыгыш районнарда урыны белән бераз яңгыр явуы көтелә.
Бер мандатлы 27нче, 28нче, 29нчы сайлау округлары буенча ТР Дәүләт Советына депутатлыкка кандидатлар күрсәтү һәм аларны теркәү этабы тәмамлануга ике атна калды.
Татарстан Республикасы буенча Кадастр палатасының эшчәнлеге турында доклад белән аның директоры Ленара Мозаффарова чыкты.
Казанда булган матбугат конференциясендә “КамГЭСэнергострой” ААҖ генераль директоры Рамил Шәйдуллин үз компанияләренең Татарстан АЭСын төзеп бетерергә әзер булуын белдерде.
Белгород өлкә думасы депутатлары ана капиталын 1,5 миллион сумга җиткерергә һәм аны түләүне 2026 елга кадәр озайтырга тәкъдим итәләр.

22
июль, 2014 ел
сишәмбе
Россия президенты Владимир Путин Россиядә “кышкы вакыт”ны кайтару турында федераль законны имзалады. Бу документ 1 июльдә Дәүләт Думасында, 9 июльдә Федерация Советында хупланган иде. Законда вакытны сезонлап күчерүне бетерү күздә тотыла.
Әлмәт трайонында быел тагын бер ветеринария пункты төзелә башлаячак. Әле яңарак кына Габдрахман авылында модульле-блоклы ветеринария пунктын ачу тантанасы булган иде.
Татарстан республикасында Казахстаннан яшерен кайтарылган контрафактлы алкоголь сату очраклары дәвам итә. Бу хәл республиканың көньяк-көнчыгыш районнарында күбрәк очрый. Итәк асыннан сатыла торган аракы очсыз очсызын, ләкин аны эчкән кешеләрнең теге дөньяга китү очраклары да булып тора.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International