ЯҢАЛЫКЛАР
Бүген, 19 ноябрь көнне Әлмәт муниципаль районында үзара салым кертү буенча референдум уза. Референдумда 34 авыл җирлеге, тавыш бирү хокукына ия 24754 кеше катнаша. Тавыш бирүләрне 257 җирле сайлау комиссиясе әгъзалары оештыра. Район башлыгы тавыш бирүдә катнашып үзара салым кертүгә карата үзенең мөнәсәбәтен белдерде. Айрат Хәйруллин Яңа Никольский авылы җирлегендә урнашкан 857 нче сайлау участогында тавыш бирде.
2017 елда Татарстан Республикасы Дәүләт торак инспекциясе тарафыннан 43 муниципаль берәмлекнең күпфатирлы торак йортларның капиталь ремонт объектларында 3 мең 702 тикшерү уздырылган, нәтиҗәдә 17 муниципаль районда 54 куркынычсызлык техникасын бозу факты ачыкланган. Бу хакта бүген ТР Хөкүмәте йортында республика киңәшмәсендә ТР төзелеш, архитектура һәм торак-коммуналь хуҗалык министрының беренче урынбасары Алексей Фролов хәбәр итте.
Киңәшмәне Татарстан Республикасы Премьер-министры Алексей Песошин уздырды. Видеоконференция режимындагы киңәшмәдә республиканың муниципаль районнары башлыклары катнашты.
16 ноябрь көнне Татарстан Республикасы Министрлар кабинетында видеоконференция режимында хокук бозуларны кисәтү буенча хөкүмәт комиссиясенең чираттагы утырышы булып узды. Аны Татарстан Республикасы Премьер– министры урынбасары Р.К.Нигъмәтуллин алып барды.
Татарстан Республикасы сәнәгать һәм сәүдә министрлыгы «СКБ Контур»ПФ» АҖ экспертлары белән бергә тикшерү-касса техникасын куллану буенча мәгълүматне бирү кысаларында семинарлар үткәрә.
18 ноябрьдә Әлмәттә олылар өчен ачык ишекләр көне оештырылачак. Бу көнне 2нче номерлы Балалар музыка мәктәбендә җыр һәм гитарада уйнау буенча шәхси курсларга, "Әни белән бергә 0+" музыка проекты һәм "Эбру" иҗади проектына килергә була.
Әлмәтлеләр киләсе елның 1 гыйнварыннан торак-коммуналь хезмәтләр өчен бердәм исәп-хисап үзәгенә түли башлыйлар.Моның өчен «Татэнергосбыт» компаниясе базасында яңа структура төзелгән. Республикада күпфатирлы йортларда яшәүче барлык гражданнар ЕРЦга түли башлаячак. Барлык УК, ТСЖ һәм ЖСКлар әлеге оешма белән килешү нигезендә эшләячәк.
Яңа структураны төзү зарурлыгы халыкның түләүләрен һәркемгә ачык һәм төгәл итү максатында килеп туган. Бу хакта Әлмәт журналистлары белән очрашуда «ЕРЦ «Татэнергосбыт» ҖЧҖ директоры Марат Миннебаев хәбәр иткән.
Республика ЕРЦсының 47 җирле үзәге булачак. Аларда бердәм клиентлар базасы һәм алар өчен яңа уңайлы сервис булдыру каралган.
"Җәяүлеләр кичүе" профилактика чарасы кысаларында Елхово урта мәктәбендә Татарстан Республикасы буенча ЭЭМ ЮХИДИ ЮПХ куркынычсызлык саклау бүлегенең 3нче ротасы командиры урынбасары вазыйфаларын вакытлыча башкаручы Денис Салахов, "ЮХК" ДБУ территориаль идарәсе профилактика бүлеге начальнигы Лилия Рафигуллина 5-11 класс укучылары һәм укытучылары белән очрашу үткәрелде. Очрашу барышында юл хәрәкәтендә катнашучыларга җәяүлеләрнең бурычлары, шул исәптән, тәүлекнең караңгы вакытында торак пунктлардан ерак арада хәрәкәтләнгәндә, яктылыкны кайтару элементларын куллану кирәклеге турында искә төшерделәр.
Референдумнарда 25657 сайлаучы катнашачак. 50 проценттан артык тавыш җыелса, карар кабул ителгән, дип саналачак.
Татарстанда һәм Әлмәттә ВИЧка тест үткәрү буенча Европа атналыгы старт ала. Акциянең төп максаты – үзләренең ВИЧ-статусын белүче кешеләрнең санын арттыру, ВИЧка тест ясауның зарурилыгы турында мәгълүмат җиткереп, ВИЧ-инфекцияне соңа калып белүчеләр санын кыскарту. Чаралар кысаларында әлмәтлеләр СПИД -Үзәктә ВИЧ-инфекциягә бушлай, аноним тест үтә һәм белгечләр белән консультация ала алачаклар.
Гидрометүзәк хәбәр иткәнчә, иртәгә, 18 ноябрь көнне , аязучан болытлы һава торышы көтелә. Урыны белән акрын һәм юеш кар булуы ихтимал. Минимальная температура төнлә -1..-5, максималь температура көндез -1..+2º. Төнлә һәм иртән юлларда бозлавык. 19ы көнне минималь температура төнлә 0..-5º, максималь температура көндез -2..+3º.