ЯҢАЛЫКЛАР

Быел тулысынча Кояш тотылу, язын була торган көн белән төн озынлыгы тигезләшүенә бер тәүлек кала, күзәтеләчәк. КФУның Физика институты астрономия һәм космик геодезия кафедрасы доценты Роман Жучков сүзләренә караганда, Казанда аның 0,57 өлешчә фазасы күзәтеләчәк, ягъни, Кояш дискының яртысыннан күбрәген Ай каплаячак. Шуны да билгеләп узу кирәк: Татарстан башкаласында тулысынча Кояш тотылу 2061 елда гына күзәтеләчәк, әмма аның өлешчәсен күзәтү дә бик кызык. Быелгы Кояш тотылу 20 мартта сәгать 12.29 башланып 14.34тә тәмамланачак. Казанда максималь фаза сәгать 13.33тә булыр дип көтелә.

Әлмәттә Almetievsk Cup 2015 теннис турнирын ябу тантанасы булды. Турнир 4нче тапкыр үткәрелде, анда Россия, Италия, Бөекбритания, Франция, Швеция, Нидерланд, Нигерия, Сербия, Беларусь, Польша, Молдова, Украина һәм Үзбәкстаннан 200гә якын спортчы катнашты.

“Нефтьче” мәдәният сараеның “Алтын ачкыч” студиясендә тәбияләнүчеләр гаиләләре төшергән “Әлмәтебез, синең белән горурланабыз” дигән видеороликлар конкурсы кичә, 10 мартта. “Знамя труда” гәзите сайтында старт алды.

ӘМР башкарма комитеты җитәкчесе хезмәтләрен башкаручы Айрат Хәйруллин бүген авария хәлендәге йортларда яшәүчеләр белән очрашты.

9 мартта 1991-1995 елларда Татарстан Республикасының Премьер-министры булган Мөхәммәт Галләм улы Сабиров 83 нче яшендә вафат булды.

8 мартта Лениногорск шәһәре һәм районы мөхтәсибәте ТР диния нәзарәте, Лениногорск шәһәре хакимияте һәм “Лениногорскнефть” идарәсе ярдәмендә, Лениногорск шәһәрендә Әлмәт һәм Урыссу казыяте мәчетләренә йөрүче яшь мөселманнар өчен чаңгы ярышы уздырды.