ЯҢАЛЫКЛАР

Яман шеш авыруларына каршы көрәш елы кысаларында республикада беренче мәртәбә “Авыз куышлыгы яман шешен ачыклау” уникаль проекты башлана. Әлмәт теш дәвалау клиникасы һәм Әлмәт окология диспансеры табиб-белгечләре бушлай консультатив кабул итү һәм авыз куышлыгы яман шешен ачыклау үткәрә.

17-21 май көннәрендә «Нефтьче» мәдәният йортында 17-18 яшьлек яшүсмерләр арасында бокс буенча Россия Идел буе федераль округы беренчелеге узачак. Беренчелекне Әлмәт муниципаль районы җитәкчелеге һәм “Татнефть” җәмгыяте ярдәмендә Татарстан көньяк-көнчыгышы бокс федерациясе оештыра.

Әлмәтлеләр “БЕРДӘМ РОССИЯ” партиясеннән җиденче чакырылыш Дәүләт Думасы депутатлыгына кандидатка кандидат итеп тәкъдим ителүчеләр белән очрашты.

Бүген Россия Федерациясе Дәүләт Думасы депутатлары Александр Сидякин, Ринат Хәйров, ТР Дәүләтторак инспекциясе башлыгы Сергей Крайнов, ТР Дәүләт комитеты рәисенең тарифлар буенча урынбасары Лилия Борисова Әлмәткә килделәр.

Сәламәтлеге чикләнгән балалар өчен «Өмет җилкәне» иҗат фестивале үткәрү «СМП–Нефтегаз» җәмгыяте каршында эшләп килүче «ЯЗ» Татарстан төбәк иҗтимагый иганәчелек оешмасының мактаулы гадәтенә кереп бара. 

Бүген РФ Дәүләт Думасы депутатлары һәм Әлмәт районы җитәкчелеге Әлмәт дәүләт нефть институты студентлары һәм укытучылары белән очрашты. 

Бүген Әлмәт муниципаль районы башлыгы Айрат Хәйруллин Р.Фәхреддин исемендәге 1нче санлы Гимназиядә үз мисалында лидерлык дәресе үткәрде. Гимназистлар шәрәфле кунак килүенә ныклап әзерләнгән. 1нче сыйныф укучылары яран гөл үрчетү турында сөйләсәләр, зуррак балалар “Шүрәле” спектакленнан өзек уйнадылар һәм 1-5 класс укучыларының агач үсентеләре үстерүләре турында сөйләп, район башлыгыннан аларны утырту өчен җир бүлеп бирүне үтенделәр. Гимназия директоры Фирүзә Вәлиуллина лидерлык ачык дәресе үткәрде. Монда балалар 4 төркемгә бүленеп, “Мәгариф”, “Инновацияләр” “Уңайлыклар булдыру”, “Яшьләре хәрәкәте” проектларын якладылар.

11 майда «Татнефть» спорт комплексында Сәламәтлек саклау хезмәткәрләре Спартакиадасының бадминтон, волейбол, җиңел атлетика, өстәл теннисы, шахмат, аркан тарту буенча зональ сайлау ярышлары узды.

Әлмәт медицина колледжында ветераннар өчен әдәби-музыкаль кичә узды. Кичәнең шәрәфле кунаклары – фронтовиклар - Гәбдрәхимов Барый Вәгыйз улы, Идрисов Таһир Ильяс улы, Хәмидуллина Хәҗәр Әхмәтгалиевна әлеге бәйрәм тамашасыннан бик канәгать калдылар.

Бүген ТР төзелеш, архитектура һәм торак-коммуналь министрлыгында Д.Г. Сагдатуллин куластында,видеоконференция режимында, универсаль спорт мәйданчыклары төзү буенча киңәшмә узды.