ЯҢАЛЫКЛАР
23 июнь көнне 10.00 сәгатьтә Әлмәттә беренче тапкыр Әлмәт муниципаль районы башкарма комитеты “2017 елда Татарстан Республикасында кече һәм урта эшмәкәрлеккә ярдәм итү” мәгълүмати-консультацион семинар үткәрә. Бу чарада ТИК "Татарстан Республикасында эшкуарлыкка ярдәм итү фонды” генераль директоры Афонин Андрей Геннадьевич катнашачак.
"Яшүсмер - 2017" ведомствоара оператив-профилактик операциясе кысаларында 5 майдан 19 июньгә кадәр район һәм шәһәр китапханәләрендә тематик очрашулар һәм әңгәмәләр узды.
23 нче июнь көнне балалар һәм яшүсмерләр иҗаты Үзәгендә ташландык материалдан ясалган костюмнар хәйрия бәйгесе узачак. Конкурсның темасы - “Балаларга – имин хәрәкәтле чиста шәһәр!”. Бу чара экология елына багышлана.
Быелгы бәйге Мәмәттә "Актау" хуҗалыгында узды. Традицион сыер савучылар һәм көтү яңарту буенча технологлар һәм механизаторлар арасында уздырылган бәйге ел саен истә калырлык итеп оештырыла һәм район терлекчеләренең, хезмәт ветераннарының үзенчәлекле сабан туен хәтерләтә. Араларында яшь белгечләр, мәктәп укучылары да бар иде. Бәйгедә килүчеләрне район башлыгы Айрат Хәйруллин сәламләде. Ул үзенең чыгышында районда авыл хуҗалыгы фидакарьләре хезмәтенә олы рәхмәтен белдерде.
Бәйге азагында җиңүчеләр билгеләнде.
Әлмәт районындагы Иске Суркино авылында авылында унберенче тапкыр Кама аръягында гомер итүче чуашларның фольклор бәйрәме – “Учук” фестивале узачак.
Традиция буенча чуаш мәдәнияте фестиваленә Татарстан районнарыннан гына түгел, Чуашстаннан, Самар һәм Чиләбе өлкәләреннән дә бик күп кунаклар җыела. Учук – чуашларда иген үскән басу-кырлардан мул уңыш өмет итеп дога кылу йоласы. Иске Сүркино авылы халкы торгызган бу бәйрәмне уздырырга бүген республика тарафыннан ярдәм күрсәтелә. Ул инде күптән туганнар һәм дусларның очрашу урынына әверелде.
Нефтьчеләр гамәлгә куйган проект тәмам – «Технорама»дагы экспонатлар шушы көннәрдә Швейцариядәге фәнни үзәккә кайтарылачак.
25 нче июнь көнне Әлмәт шәһәренең Үзәк мәчетендә гает намазы узачак. Башлана 6.00 сәгатьтә.
Шушы көннәрдә Әлмәт шәһәренең яшьләр үзәгендә Әлмәт муниципаль районының Яшьләр җәмәгать палатасының киңәйтелгән утырышы узды. Бу чарада Татарстан Республикасының Яшьләр җәмәгать палатасының председателе Ильдар Суфияров та катнашты.
Кулланучыларның хокукларын яклау һәм кеше иминлеге өлкәсендә күзәтчелек Федераль хезмәтенең (Роспотребнадзор) Татарстан буенча идарәсе балалар ялы сораулары буенча «кайнар линия» ачкан.
Татарстан Республикасының социаль яклау органнарына мөрәҗәгать итү өчен сезгә uslugi.tatarstan.ru Татарстан Республикасының дәүләт һәм муниципаль хезмәтләре порталында, социаль яклау органнарына шәхсән мөрәҗәгать итмичә, тулысынча электрон формада гариза тапшыру һәм берничә дәүләт хезмәтләрен алу мөмкинлеге биреләчәк.