ЯҢАЛЫКЛАР
2018 елның 1нче мартыннан Татарстан Республикасындагы күпфункцияле үзәкнең Әлмәт филиалында дәүләт һәм муниципаль хезмәтләрне күрсәтү гадирәк, уңайлырак һәм күпкә кулайракка әйләнде. Уңайлык өчен Татарстан Республикасында Дәүләт хезмәтләре порталы (https://uslugi.tatarstan.ru) аша "Минем документлар" үзәгендә кабул итү өчен алдан язылу мөмкинлеге булдырылды.
Татарстан Республикасы мәгариф һәм фән министрлыгы Казан шәһәре балалар һәм яшьләр эшләре буенча Комитеты ярдәме белән ел саен ТР һөнәри белем бирү оешмалары студентлары арасында “Яз тамчысы” иҗади фестивален үздыра. “Яз тамчысы” фестивалендә үзләрен яхшы күрсәткән конкурсантлар футбол буенча Дөнья чемпионаты – 2018, 2019 елны узачак WorldSkills Russia чемпионаты пакында узачак мәдәни программада катнашачаклар.
Әлмәткә Татарстан Республикасының иҗтимагый палатасы рәисе урынбасары Тимур Халиков килде. Нефтьчеләр башкаласына килүенең сәбәбен биредә Югары нефть мәктәбе төзелү барышы белән танышуын аңлатты. – Әлеге бурычны безнең алга Татарстан прехиденты Рөстәм Миңнеханов куйды. Югары нефть мәктәбе Әлмәт дәүләт нефть инситтуты һәм Татнипинефть базасында оештырылырга тиеш. АГНИ базасында комплекслы лаборатория төзү этапларның берсе булып тора, – диде ул.
8 Март уңаеннан “Нефтьче” Мәдәният сараенда әлмәтлеләр хөрмәтенә тантана оештырылды. Гүзәл затларны район башлыгы Айрат Хәйруллин тәбрик итте. Ул аларның төбәктәге социаль-икътисади үсешкә зур өлеш кертүләрен, республика дәрәҗәсендә дә уңышка ирешүләрен, төрле бәйгеләрдә урыннар яулауларын ассызыклады.
Хезмәт коллективы җыелышында «Елховнефть» НГДУның җитештерү эшчәнлегенә нәтиҗәләр ясалды. Җыелышта «Елховнефть» НГДУ начальнигы Азат Хабибрахманов, Әлмәт муниципаль районы башлыгы Айрат Хәйруллин, Татарстан Республикасы Иҗтимагый палатасы рәисе урынбасары Тимур Халиков катнаштылар.
Җыелышта район башлыгы Айрат Хәйруллин, ТР Иҗтимагый палатасы рәисе урынбасары Тимур Халиков, «Альметьевнефть» НГДУ начальнигы Ренат Нөгәйбәков, идарәнең хезмәткәрләре катнаштылар. Җыелышны ачып, Ренат Нөгәйбәков 2017 елдагы җитештерү күрсәткечләре белән таныштырды, 2018 елга билгеләнгән перспектив юнәлешләр турында хәбәр итте. Ул НГДУның төп характерлы үзенчәлеге, эшләү стиле итеп көчле инженерлык мәктәбе, эшләү осталыгы һәм корпоратив традицияләренең көче булып калуын билгеләде.
2-4 мартта Өстәл теннисы спорт мәктәбендә 2005 елда һәм аннан соң туган егетләр һәм кызлар, шулай ук 40 яшькә кадәр һәм 40 яшьтән олырак ир-атлар һәм хатын-кызлар арасында мәктәпнең директоры Бабаев Виктор Николаевичның 70-еллыгына багышланган өстәл теннисы буенча Бөтенроссия турниры узды.
Юлда машина йөртүчеләр генә түгел, җәяү йөрүчеләр дә куркынычсызлык кагыйдәләрен үтәргә тиеш. Җәяү йөрүчеләр катнашуы белән юл-транспорт һәлакәтләре тәүлекнең караңгы вакытында була. Нәкъ шуңа күрә 2015 елның 1 июленнән яктылык кайтару элементларын киеп йөрү турында нормалар формалаштырылды.
Бүген Яшьләр үзәгендә район башлыгы Айрат Хәйруллин катнашуы белән үткән Торак сәясәте һәм торак-коммуналь хуҗалыгы департаменты хезмәт коллективы җыелышында 2017 ел дәвамында башкарылган эшкә нәтиҗәләр ясалды һәм 2018 елга максатлар билгеләнде. Доклад белән Әлмәт шәһәре башкарма комитеты җитәкчесе Ленар Вәлиев чыгыш ясады.
Бүген, эшлекле дүшәмбедә Әлмәт муниципаль районы башлыгы Айрат Хәйруллин рәислеге астында Мәшьгульлек үзәге директоры Минсәгыйть Насертдиновның доклады тыңланды. Ул яшьләрнең профессиональ юнәлешләре һәм һөнәри белем бирү турында мәгълүматны тәкъдим итте.