ЯҢАЛЫКЛАР
"Ландыш" балалар бакчасы тантаналы рәвештә ачылганнан соң район башлыгы Айрат Хәйруллин Габдрахман авылындагы урта мәктәптә булды, укучылар һәм укытучылар белән әңгәмә алып барды. Габдрахман авылының урта мәктәбе 1972 елда төзелгән. Бүгенге көндә мәктәптә уңышлы укыту-тәрбияләү процессын алып бару өчен ярдәм итә торган яхшы матди-техник база бар. Мәктәптә 108 бала укытыла, 19 укытучы эшли. Нефтьчеләрнең тырышлыгы ярдәмендә мәктәптә капиталь ремонт үткәрелде. ТР Президентының нефть сәнәгате мәсьәләләре буенча ярдәмчесе Шафагат Фахразович Тахаутдинов зур спонсорлык ярдәмен күрсәтә.
Иртәгә, 17 мартта, аязучан болытлы һава торышы көтелә. Төнлә аз гына кар явачак, буран; көндез урыны белән кар төшәчәк. Минималь температура төнлә -11..-16º, максималь температура көндез -8..-11º. Юлларда бозлавык.
14 мартта Татарстан Республикасында иҗтимагый киңлекләрен төзекләндерү буенча онлайн тавыш бирү - ТР Мәгълүматлаштыру һәм элемтә министрлыгы һәм ТР төзелеш, архитектура һәм торак-коммуналь хуҗалыгы министрлыгының уртак проекты башланды.
Әлмәт мәшьгульлек үзәге эш бирүчеләр янына аларның тарафыннан инвалидларны җиһазландырылган эш урыннары белән тәэмин итү һәм инвалидларны эшкә урнаштыру өчен эш урынын җайландыру буенча ышанычлы мәгълүматны бирү буенча бурычларын үтәүне контрольдә тоту максаты белән барып йөри.
18 март көнне автомобильдә йөрүчеләргә #ДобрыйАльметьевск беләзеген күрсәтү Әлмәттәге «Татнефть» ГАҖ компаниясенең ягулык салу станцияләрендә нефть продуктларына 4% һәм газ продуктларына 6% ташлама белән кулланырга мөмкинлек бирәчәк.
13 мартта 24нче мәктәптә "Тере классика" Бөтенроссия бәйгесенең муниципаль этабы узды. "Тере классика" яшь сәнгатьчә укучылар бәйгесе - Россиядә булган иң масштаблы әдәби проект, аның максаты булып балалар һәм яшүсмерләрнең укуга карата кызыксынуын арттыру, әдәби карашны киңәйтү һәм укучыларны матур әдәбиятне укуга җәлеп итү.
Нюша РФ президентын сайлауларда Әлмәттә катнашачак, шулай җырчы Instagram социаль челтәрендәге үзенең битендә хәбәр итә. Гастрольләр аның тавыш бирү теләгенә комачауламаячак, дип билгеләп үтте Нюша. "Без барыбыз да сылтауларны эзләмичә үзебезнең гражданлык бурычын үтәргә һәм сайлауларга барырга тиешбез", - дип ассызыклады һәм сайлау участогын ДәүләтХезмәтләре сайтында яисә күпфункцияле үзәкләрдә табу мөмкинлеге турында искә төшерде ул.
18 март көнне Әлмәт картиналар галереясы әлмәтлеләрне күргәзмәләргә һәм мастер-классларга чакыра.
16 март көнне 18.00 сәгатьтә 25нче мәктәптә беренче сыйныфка эләкмәгән киләчәктә укырга керәчәк балаларның ата-аналары өчен җыелыш оештырылачак. Җыелышны Мәгариф идарәсе начальнигы Дмитриий Садетдинов алып барачак.
РФ Президенты Владимир Путинның Икътисад министрлыгы коллегиясендә укылган хатында сәнәгатьне үстерүнең мөһим юнәлешләренең берсе итеп төп капиталга һәм хезмәт җитештерүчәнлегенә инвестицияләрнең артуы билгеләнгән. Куелган максатларга ирешү өчен идарә итүнең төрле чаралары, шул исәптән закон чыгару эшчәнлеге кулланыла. Бердәм Россия тарафыннан максаты итеп икътисадны һәм сәнәгатьне үстерүгә ярдәм күрсәтү билгеләнгән "Локомотивы Роста" иҗтимагый советы оештырылган.