ЯҢАЛЫКЛАР

ТР буенча Роспотребнадзор идарәсенең территориаль бүлеге тарафыннан Әлмәт, Зәй, Лениногорск һәм Сарман районнарында 2018 елның 26 ноябреннән алып 8 декабренә кадәр Халыкара СПИД белән көрәш көне уңаеннан “кайнар линия” оештырыла. Шалтыратулар (8553) 22-65-81 “кайнар линия” телефон номерына 8.00 дән 17.00 гә кадәр кабул ителә.

Шимбә көнне, 1 декабрьдә, шәһәрдә аз күләмдә болытлылык, явым-төшемсез. Җил  5-10 м/с. Минималь температура -14..-17º, аязганда -21º; максималь температура  -7..-10º. Юлларда бозлавык.

ТР Сәламәтлек саклау министрлыгы тарафыннан Ир-ат сәламәтлеге итеп игълан ителгән ел кысаларында Сәламәтлек саклау идарәсе белән Әлмәт медицина профилактикасы үзәгенең уртак көчләре республика Президенты һәм сәламәтлек саклау министрлыгы тарафыннан каралган төп максатка - ир-атларның, һәм гомумән барлык халыкның, сәламәтлеген саклауга юнәлтелгән. 

Хөрмәтле әлмәтлеләр, бинага керү группасы, предприятие пандусларының яраксыз халәтенә юлыккан очракларда район башкарма комитетының сәүдә һәм кулланучылар хезмәте бүлегенә 8(8553) 32-67-78 телефоны буенча шалтыратырга яисә Халык контроленә гариза җибәрергә өндиләр.

«Мин яратам сине, тормыш» - Иосиф Кобзонның җырыннан алынган бу шигырь юлы турында бәйгедә катнашучы авторлар һәм башкаручыларга фикер йөртергә тәкъдим ителә.

Әлмәттәге 1нче кичке мәктәп «Стоп ВИЧ/СПИД» бөтенроссия акциясенә кушылды. 26 ноябрь көнне мәктәптә укучылар өчен мәгълүмати-белем бирү чарасы уздырылды. Укучылар әлеге тема турында фикер алышуда актив катнаштылар, сораулар бирделәр, ә теләүчеләр ВИЧ авыруы барлыгына экспресс-тестны үттеләр.

29 ноябрь көнне Әлмәттә  «Пограничные вопросы клинической неврологии» семинары узды.Аның эшчәнлегендә республиканың гомуми практика табиблары , неврологлар, терапевтлар, реабилитологлар катнашты.

29 ноябрь көнне башкарма комитетның зур залында «Татнефть» проекты буенча семинар узды. Анда Әлмәт районы башлыгы Айрат Хәйруллин,  «Татнефть» нең ОВП җитәкчесе урынбасары  Сергей Плахотников, мәгариф идарәсе җитәкчесе Ирина Павловская, балалар бакчалары мөдирләре катнашты. 

Проектның максаты – кече һәм урта бизнес өлкәсендә яшьләрне эшмәкәрлек эшчәнлегенә җәлеп итү.

Проект -  14тән алып 17 яшькә кадәрге мәктәп укучыларына, 18дән алып 30 яшькә кадәрге яшьләргә, шулай ук гамәлдәге бизнесменнарга исәпләнгән.

Укыту программасында:

бизнес-идеяләр сайлау;

бизнес-проектлар төзү һәм гамәлгә ашыру;

бизнес ачу;

инвесторларны җәлеп итү.

“Син - эшмәкәр” проектында катнашу өчен теркәлү узарга  һәм тулы мәгълүматны www.molpred116.ru сайтында алырга мөмкин.

28нче ноябрьдә Әлмәт шәһәренең халыкны эш белән тәэмин итү үзәге белгечләре суд приставлары белән берлектә алимент түләүләре буенча бурычлары булган гражданнарны чираттагы тикшерү үткәрелде. Әлеге рейдлар алимент түләүләре буенча бурычлары булган кешеләр белән эшкә урнашу кирәклеге турында аңлату-мәгълүмати эш алып бару максаты белән үткәрелә. Очрашу барышында мәшгульлек белгечләре тарафыннан әлеге көнгә хезмәт базасында булган вакансияләр тәкъдим ителә.