ЯҢАЛЫКЛАР
Бүген башкарма комитетта гомум шәһәр планеркасы булып узды. Аны Әлмәт муниципаль районы башлыгы Айрат Хәйруллин уздырды. Планерка Синай ярымутравында булган һаләкәттә үлгәннәрне бер минутлык тынлык белән искә алудан башланды.
Татарстан Премьер-министры Илдар Халиков бүген торак-коммуналь хуҗалыгында күрсәтелгән хезмәтләрнең сыйфатын яхшырту мәсьәләләре буенча киңәшмТатарстан Премьер-министры Илдар Халиков бүген торак-коммуналь хуҗалыгында күрсәтелгән хезмәтләрнең сыйфатын яхшырту мәсьәләләре буенча киңәшмә уздырды. Бу чара ТР Хөкүмәте йортында барлык муниципаль районнар белән видеоконференцэлемтә режимында узды.
Агымдагы елның 9 аенда гражданнарга электрон рәвештә 38,5 млн хезмәт күрсәтелгән, бу, узган елның шушы чоры белән чагыштырганда, 75 процентка артык. Әлеге мәгълүматны бүген ТР Министрлар Кабинетында узган брифингта Татарстан Премьер-министры урынбасары – мәгълүматлаштыру һәм элемтә министры Роман Шәйхетдинов җиткерде.
Әлмәт районы Миңлебай авылы мәчетең 20-еллыгын тантаналы рәвештә билгеләп үттеләр. Әлеге чараны мәчет имамы Расих хәзрәт Гатауллин ачып җибәрде, килгән кунакларга рәхмәтләрен җиткерде. Әлмәт районы имам-мөхтәсибе Фәхим хәзрәт Әхмәтҗанов авыл халкына нәсыйхәтләрен бирде, мәчет имамы Расих хәзрәтнең мәхәллә эшләрен оештырып яхшы алып барганлыгын билгеләп үтте. Тантанага җыелган мөселманнарны Әлмәт муниципаль районы башлыгы Айрат Хәйруллин исеменнән аның урынбасары Наҗия Хәйдарова тәбрикләде, ул мәчет эшләп торган авылда нур, мәгърифәт һәм әдәп барлыгын ассызыклады.