ЯҢАЛЫКЛАР

Иртәгә Татарстанда аязучан болытлы һава торышы көтелә. Урыны белән яшенле яңгыр. Төнлә минималь һава торышы 6-11 градус булса, көндез максималь температура 18-23 градуска җитәргә мөмкин.

22 сентябрь көнне әлмәтлеләрне “Көзге стартлар” атлы спорт уенына чакыралар. Ул шәһәр ипподромында узачак. Тамашачылар өчен бүләкләр уйнатылачак.

Әлмәтлеләр өчен  Тукай проспекты – Ленин урамы – Төзүчеләр проспекты –Советская урамы – Ипподром маршруты буенча автобуслар йөриячәк.

21 сентябрь көнне коррупциягә каршы комиссиянең  чираттагы утырышы булачак. Сорауларны  32-65-17 телефонына юлларга мөмкин.

Әлмәтнең Халыкны эш белән тәэмин итү хезмәте инвалидны эшкә урнаштыру өчен эш урыннары белән тәэмин итү бурычның үтәлешен контрольдә тоту һәм инвалидны эшкә урнаштыру өчен эш урыннары булдыру буенча ышанычлы мәгълүмат бирү максатыннан чираттагы тапкыр (агымдагы кварталда) эш бирүчеләргә баруны тәмамлады.

Шимбә  көнне "Казан" агросәнәгать паркында Татарстан Республикасы бакчачыларының "Бакча" бәйрәме уздырылды. Бу чарадан әлмәтлеләр дә читтә кала алмады. Әлмәт районы делегациясен Айрат Хәйруллин җитәкләде. Фестивальдә Әлмәт районының "Деревня" кооперативы,"Овощная долина" ,"Ягодная долина" һәм башка хуҗалыклары катнашты. Татарстан Республикасы Президенты Рөстәм Нургали улы Миңнеханов Әлмәт бакчачылары продукциясенең сыйфатын югары бәяләде. Шулай ук бакчачылар белән фотога төшергә дә онытмады.

Әлмәтлеләр быел да “Татарстан кроссы– 2018” гә актив кушылды. Район башкарма комитеты җитәкчесе Марат Гыйрфанов, “Татнефть” ААҖ профком рәисе урыбасары Андрей Зимин, компаниянең спорт буенча кураторы Дамир Гәрәйшин һәркемгә уңышлар теләде.

Татарстан Республикасында, орлык кукурузыннан гайре, бөртеклеләрне урып-җыю тәмамланды диярлек. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы Премьер-министры урынбасары-Татарстан Республикасы авыл хуҗалыгы һәм азык-төлек министры Марат Әхмәтов хәбәр итте.   

Зарядка шәһәр паркында 16 сы көнне 12.00 сәг. узачак. Беренче 100 кеше "Яшел Фитнес" атрибутикасына ия булачак.  

VI «Наше время – Безнең заман» фестивалендә катнашу өчен  гаризалар кабул ителә. Сайлап алу этабы Яр Чаллы, Түбән Кама, Зәй һәм Казан шәһәрләрендә урнашкан мәдәният сарайларында үтәчәк, ә  гала-концертны 16 ноябрьдә «Пирамида» сәхнәсендә уздыру планнаштырылган.

Әлмәт шәһәренең мәшгульлек үзәге сентябрь аенда «Стропальщик», «Химия анализы лаборанты», «Фрезеровщик», «Пешекче», «Хисапчы», «ЭВМ операторы» курсларын оештыра.