ЯҢАЛЫКЛАР

"Игътибар – балалар!". 21 августтан 10 сентябрьгә кадәр шундый девиз астында республикада профилактик чаралар уза. Әлмәт шулай ук читтә калмады.

2017 елның 21-22 сентябрь көннәрендә «Киләчәккә караш» ел саен уза торган кече һәм урта эшмәкәрлек форумы кысаларында «ExportMe» экспорт өлкәсендә эшләүче кече һәм урта эшмәкәрлек субъектларын үстерү һәм аларга ярдәм күрсәтүгә багышланган конференциясе узачак.

Бүген Әлмәт муниципаль районы башкарма комитеты җитәкчесе Марат Гирфанов шәһәр активы белән планерка уздырды, узган атнага йомгак ясалды.

Көзнең беренче якшәмбесендә Әлмәттә «Яшел Фитнес» социаль-спорт юнәлешенең атна саен үткәрелә торган чаралары узды. "ЯФ белән кабаттан мәктәпкә" тематикасы астында бушлай күнекмәләр шәһәрнең 5 мәйданында үтте:  «Яшьлек»,  «Шамсинур» скверлары,  «Алнас» стадионы, шәһәр  пляжы, шәһәр паркы.

16 сентябрь көнне Әлмәттә “Татарстан Кроссы” ярышлары узачак. Әлеге ярышлар халык арасында спорт һәм физик тәрбияне популярлаштыру максатында оештырыла.

Әлмәт муниципаль районы башкарма комитеты 2017 елның 26 нчы сентябренә билгеләнгән 2 җир участогын арендага алу шартнамәләрен төзү хокукына аукцион сатулары турында хәбәр итә. 

Инде ике ел рәттән һөнәри бәйге шәһәр үзәгендә үтә. Бу аңлашыла да, чөнки ул халык бәйрәме.

Хәзерге вакытта Әлмәттә «Татнефть – Әлмәт марафоны» массакүләм җиңел атлетика ярышлары уза. 

ТATAR.RUN узышы быел Татарстанның берничә каласында узды инде. Түбән Камада, мәсәлән, ул чәчәкле булса, Яр Чаллыда төрле төсләргә бай булды. Башкалардан аермалы буларак, Әлмәттә исә узыш «музыкаль» статуслы дип игълан ителде. Ягъни йөгерешчеләрне барабан тавышлары һәм дәртле музыка озатып бара, ә берничә ноктада концерт номерлары да тәкъдим ителде. 
Катнашучыларга берничә дистанциядә – 3 км, 10 км, 21,1 км арага йөгерү тәкъдим ителгән иде. Әмма кайбер спортчылар хәтта 42 чакрым араны да узарга ниятләгән. 

Төрле мастер-класслар шактый халыкны җәлеп итте. Әлмәт урам театры «Шүрәле һәм Ко», «Лунатиклар» перфомансын тәкъдим итте. «Венециядәге карнавал», «Пантомимиум», Аргентинадан килгән марионеткалы «кешеләр», джамперлар биюе, Франция ходулистлары  чыгыш ясадылар. 
Санкт-Петербург, Мәскәү, Нидерландтан килгән артистлар чын мәгънәсендә моңарчы күрелмәгән шоу күрсәтте. Бу чарада һәркем күңеленә хуш килерлек шөгыль таба һәм тамаша кыла ала. 

Бүген Әлмәттә шәһәр көнен һәм Нефть-газ сәнәгате хезмәткәрләренең һөнәри бәйрәменә багышланган тантана уза.