ЯҢАЛЫКЛАР

3 июнь көнне  «Игътибар - балалар!» профилактик чарасы тәмамланды. Ул юл йөрү кагыйдәләрен төгәл үтәүгә юнәлдерелде.  Әлеге уңайдан яңа туган сабыйлар өчен автобишекләр тапшыру матур чарага әверелде.

Чираттагы дәресләр 1 июнь көнне  РКОД ның Әлмәт филиалында узды. Аның темасы булып  «Махсус дәвалау узганнан соң пациентларга маршрут билгеләү" тора.  Аны табиб-онколог   Айгуль Файрушина һәм клиник психолог Ольга Разумнова үткәрделәр. Табиб-онколог Әлфия  Сәфәрова сәламләү сүзе белән чыгыш ясады.

Янгын сүндергечләр туры кояш нуры төшкән урыннардан читтә урнаштырылырга тиеш. Аларның янгын чыккан очракта кул астында булуы зарур. Аларның урнаштырылган урынын билгеләүче күрсәткечләр  ГОСТ 12.4.026  стандартына туры килергә һәм идәннән  2,0 — 2,5 м биеклектә урнаштырылырга тиеш (ГОСТ 12.4.009).

Әлмәт Мәшгульлек үзәге эшсез гражданнар өчен түбәндәге юнәлешләр буенча курслар оештыра: 4 нче июньнән «Химия анализларын ясаучы лаборант», «Маникюр ясау остасы»; 6 нчы июньнән «Троллейбус йөртүчесе»; 13 нче июньнән «Кран автомобиле машинисты»; 18 июньнән «Каравылчы», «Чәчтараш», «Электр җиһазларын көйләү һәм аларга хезмәт күрсәтү буенча монтер»; 25 июньнән «Чәчтараш».

Татарстан Республикасы Хезмәт, мәшьгульлек һәм социаль яклау министрлыгы быел 1 майдан Россия Федерациясе территориясендә минималь хезмәт хакының 11 мең 163 сум тәшкил итүе турында хәбәр итә. 

1 июнь көнне Әлмәттә  «Юбилейный» мәдәният сараенда хоккей сезоны тантаналы рәвештә ябылды, биредә финал уеннар узды. Чарада район башлыгы Айрат Хәйруллин, "Нефтяник"ХК башкарма директоры  Мансур  Усманов, торба заводы директоры Александр Токарев, Лениногорскиның яшьләр эшләре , спорт һәм туризм буенча идарә начальнигы Марс Хасанов, Әлмәт һәм Лениногорск районнарыннан аз тәэмин ителгән гаиләләр катнашты.

Һава торышы начараю сәбәпле 2 июнь көнне «Шәһәрнең мәдәни мохиты" чарасы барлык 8 мәйданда да уздырылмый.

Гашыйклар парады 3 июнь көнне "Нефтьче" мәдәният сарае каршындагы мәйданда узачак.

Бүген Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин социаль-мәдәни өлкә объектларына капиталь ремонт буенча республика программаларын гамәлгә ашыру турында сөйләде. Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры  Алексей Песошин да катнашты.

4 июнь көнне 25 нче мәктәп базасында  «Ачык футбол дәресе»  узачак. Аны  Социаль һәм спорт проектлары дирекциясе футбол  буенча дөнья чемпионаты -2018 оештыру комиссиясе белән берлектә  уздыра.