ЯҢАЛЫКЛАР

Бүген Әлмәткә хоккейчылар җыелды. Нефтьчеләр мәйданындагы шугалакта "Red Bull. Шлем и краги" проекты кысаларында беренче тапкыр гадәти булмаган хоккей ярышы оештырылды. Матчлар олимпия системасы буенча бара. Бозда 4 әр уенчылан торган командалар, капкачы юк. Алка кертү өчен капка урынына махсус тишекләр ясалган автопокрышкалар конструкциясе генә. Ике периодлы уеннарда 32 команда катнаша. 

Сталинград сугышында җиңүнең 75 еллыгына багышлап Ленин мәйданында да бәйрәм чаралары оештырылды. Бәйрәмдә район башкарма комитеты җитәкчесенең социаль мәсьәләләр буенча урынбасары вазифаларын башкаручы Светлана Лаптева, хәрби комиссар Ришат Сабиров, Сталинградтагы мәхшәрне үз күзләре белән күргән ветеран Любовь Ивановна Козлова чыгыш ясадылар. Үзешчән сәнгать осталары җырларын бүләк итте. Шушында ук эзләнүләр нәтиҗәсендә табылган солдатларның әйберләреннән күргәзмә дә оештырылган иде. Солдат боткасыннан да һәркем теләп авыз итте.

Территориаль-иҗтимагый советларның отчет җыелышы 21нче мәктәпнең актлар залында үтте. Микрорайонда яшәүчеләр белән очрашуда Әлмәт муниципаль районы башлыгы Айрат Хәйруллин, «ТаграС-ЭнергоСервис» ҖЧҖ директоры Артем Горланов, шәһәр башкарма комитеты җитәкчесе Ленар Валеев, ТИС-12а рәисе Николай Жалнин, шулай ук шәһәрнең хокук саклау органнары һәм хезмәтләре вәкилләре катнаштылар.

"Тикшерелгән бизнес" электрон журналы эшмәкәрләр өчен төп белемнәрне, республиканың тикшерү-күзәтү органнары турында мәгълүматны, файдалы видеороликларны, шулай ук бизнес вәкилләре тарафыннан хокук бозуның ешрак очрый торган очраклары һәм аларны бетерү чараларын чагылдырган белешмәлекне үз эченә туплый.

Иртәгә, 3 февраль көнне аязучан болытлы һава торышы көтеләчәк. Кар явачак, төнлә урыны белән. Аерым районнарда буран узачак. 

2018 елда Татарстан Республикасында XIV ачык сыйфат өлкәсендә Татарстан Республикасы Хөкүмәте бүләкләренә лаек булу бәйгесе уздырылачак. Бәйгедә катнашуга төрле оештыру-хокукый формасындагы оешмалар һәм аларның Татарстан Республикасы территориясендә һәм аннан читтә продукцияне җитештерүче хезмәт күрсәтүче филиаллары дәгъва итә алалар.

Шимбә 3 февраль көнне Әлмәт мәйданнарында мәдәни күңел ачу чаралары узачак. Алар Татарстан нефтенә 60-еллык исемендәге шәһәр паркында, Әлмәткә 60-еллык исемендәге скверда, "Татнефть" ГАҖнең үзәк бинасы янындагы мәйданда, "Мегаполис" клубы алдындагы мәйданда, Нефтьчеләр мәйданының үзәк шугалагында узачак. Әлмәтлеләрне бәйрәм чараларында көтәләр.

Отчет җыелышында Әлмәт муниципаль районы башлыгы Айрат Хәйруллин, Татарстан Республикасы Президенты каршындагы Эшкуарлар хокукларын яклау буенча вәкаләтле вәкил Тимур Нагуманов катнаштылар, шулай ук җыелышка шәһәр һәм район хезмәтләре җитәкчеләре чакырылган иде. 

2 февраль көнне бөтен Россиядә Сталинград сугышында немец-фашист гаскәрләрен совет гаскәрләре тарафыннан тар-март итү көненнән 75 ел үтүне билгеләп үтәчәкләр. Нефть башкаласы шулай ук бәйрәмгә кушылачак. 

Беренче тапкыр Boomstarter (Boomstarter - ахыргы максаты булган иҗади, техник һәм башка төрдәге проектларны финанслауга җәлеп итү өчен кешеләр тарафыннан акча җыю платформасы, АКШтагы Kickstarter аналогы) мәйданына Әлмәттән проект урнаштырылды.