Агымдагы елда Әлмәт нефть институты үзенең сафларына 300 дән артык беренче курс студентын кабул итте. Аларны Белем бәйрәме белән район башлыгы Айрат Хәйруллин тәбрикләде, югары квалификацияле, кирәкле һөнәр ияләре булып чыгуларын теләде.
Студентлар кодексы белән таныштыру, институтның иң яхшы студентлары чыгышы, Әлмәт нефть институтының гимны кичәге мәктәп укучыларын студентлыкка багышлау бәйрәменә әверелдерде. Тантаналы линейкадан соң кунаклар “Нефть һәм газ ятмаларын эшкәртү” кафедрасы эше белән таныштылар.