Эшлекле дүшәмбе

Бүген башкарма комитетта атналык планерка узды. Аны башкарма комитет җитәкчесе Айрат Хәйруллин алып барды. Киңәшмә барышында узган атнага йомгак ясалды.

Шимбә көнне Айрат Хәйруллин Татарстан Республикасында 2030 елга кадәр икътисади –социаль үсеш стратегиясенә кагылышлы халыкара конференциядә катнашты.

Әлеге стратегия кысаларында Әлмәт зонасы үсеше дә карала. Нефть төбәгендә Татарстанның көнчыгыш капкасы буларак юл–транспорт бәйләнешләренә, туризм инфраструктурасына зур игътибар биреләчәк.

Айрат Хәйруллин, шулай ук, санитар–экологик икеайлыкның барышы белән танышты. Шәһәрдә эш башланган инде, шулай да күп кенә идарәче компанияләр үзләренә беркетелгән территорияләрдә тиешенчә тәртип урнаштырырга теләмиләр. Башкарма комитет җитәкчесе бу юнәлештә эшне активлаштырырга һәм 1 майга кадәр төгәлләргә кирәклегенә басым ясады.

25 апрель көнне Әлмәттә гомуми шәһәр өмәсе узачак. Шул көнне бердәм агач утырту көне үткәрү дә планлаштырыла. Әлеге акциядә теләгән һәр кеше катнаша ала. Гариза бирү өчен түбәндәге телефоннар аша шалтыратырга мөмкин: (8553) 45-50-66, 30-28-10.

Шәһәрдә күпкатлы йортларның гомуми ихтыяҗларына тотылучы күрсәткечләрне(ОДН) киметү буенча да максатчан эш алып барыла. Айрат Хәйруллин торак-коммуналь хезмәтләр өчен бурычлылар исемлегендә бюджет өлкәсендә эшләүчеләр булмаска тиешлеген ассызыклады.

Киңәшмә ахырында шәһәрнең оператив хезмәтләрдән алынган мәгълүмат тыңланды.

Ф. Хәсәнова тәрҗемәсе