Әлмәт тәрбиячеләре балалар тәрбияләүдә яңа методикалар кертәләр

“Незабудка” балалар бакчасы тәрбиячеләре экспериментлар үткәрү һәм практик эшчәнлек аша өлкән төркемгә йөрүче балаларда дөньяның бөтенлекле картинасын формалаштыру һәм дөньяга карашларын киңәйтү методикасын кертәләр.

Балаларның әйләнә-тирә дөнья турында белемнәрен киңәйтү юнәлешендә эшләү, табигать белән аралашу һәм аңа ярдәмгә килү ихтыяҗы тәрбияләү тәҗрибә-эксперименталь эшчәнлек аша алып барыла, 33нче “Незабудка” балалар бакчасында приоритетлы юнәлешләрнең берсе булып тора.

Тәҗрибәләр ярдәмендә бала үзен тикшеренүче итеп хис итә, үз-үзенә ныграк ышанырга өйрәнә. Аның инициативасы, кыенлыкларны җиңү, уңышсызлыклар вакытында кулын салындырмау, иптәшләренең уңышларын бәяли белү, ярдәмгә килергә әзер тору сәләте уяна. Өлкәннәрнең бурычы – үзлегеңнән өйрәнү, үз-үзеңне тәрбияләү, үзлегеңнән үсү кебек мөһим процесслар өчен нигез буларак иҗади активлыкны саклауда балаларга ярдәм итү. Тикшеренүләр балага “нигә?”, “ничек?” кебек сорауларга үзе җавап табарга мөмкинлек бирә.