Әлмәт экстрим-паркында хәрби-гамәли ярышлар узды

2025 елның 9 декабре, сишәмбе

Бүген экстрим-паркта Ватан Геройлары көненә багышланган «Аҗаган. Сугышчан туганлык сукмагы!» масштаблы хәрби-гамәли ярышлар узды.

Уенда 150 кеше — 20 команда катнашты, аларның һәркайсы 2000 метрга кадәр озынлыктагы маркировкалы трассаны үтте.

Риваять буенча, катнашучылар 1941 елның кырыс кышына, Мәскәү астындагы контрһөҗүм вакытында күчерелгән. Һәр группага дошманның терәк пунктларын ачыклау, ут нокталарын нейтральләштерү һәм оборона сызыкларына үтеп керү йөкләнде. Флаг белән билгеләнгән команда пунктына барып җиткәч, сугышчылар Кызыл ракета белән сигнал бирергә тиеш булалар-төп көчләр өчен юлның чистартылуын раслый.

Ярышлардан соң балалар кыр боткасы һәм кайнар чәй белән тамак ялгадылар. Чара «Татарстанда кыш» проекты кысаларында узды.