«Ачык Әлмәт»: торак-коммуналь хуҗалык проблемаларын бергәләп хәл итәбез!
Исегезгә төшерәбез, Әлмәттә берьюлы берничә коммуникация инструменты эшли, алар шәһәр халкына мәсьәләләрне оператив хәл итәргә һәм шәһәр мохитен үстерү буенча инициативалар тәкъдим итәргә ярдәм итә.
Иң кирәкле сервисларның берсе - «Ачык Әлмәт» диспетчерлык хезмәте. Аның ярдәмендә халык тәүлек буе йорттагы, подъезддагы яки ишегалдындагы теләсә нинди төзексезлекләр турында хәбәр итә ала. Диспетчер заявканы телефон аша кабул итә, аны махсус программада терки һәм проблеманы оператив хәл итү өчен идарәче компаниягә җибәрә.
«Ачык Әлмәт» системасы эшенең уникаль үзенчәлеге шунда ки, заявка биредә яшәүче тарафыннан җитешсезлекләрне бетерү һәм эшләрне сыйфатлы башкару факты расланганнан соң гына ябык дип санала.
Агымдагы ел башыннан «Ачык Әлмәт» диспетчерлык хезмәте аша 3052 мөрәҗәгать кергән инде.
Мөрәҗәгатьләр тәүлек буе 8 (8553) 260-600 номеры буенча кабул ителә.
- Әлмәт халкына уңайлы булсын өчен шулай ук сорауларга оператив җаваплар алырга һәм уңайлы формада шәһәр мохитен яхшырту буенча тәкъдимнәр җибәрергә мөмкинлек бирә торган чат-бот булдырылды.
- Моннан тыш, халык кире элемтәнең башка платформаларыннан файдалана ала:
✅ «Дәүләт хезмәтләре. Бергә хәл итәбез»
✅ «Үсеш департаменты» МАУ Telegram-каналы
Мөмкин булган коммуникация каналларын актив кулланырга киңәш итәбез.