«Ватанны сакларга дигән һөнәр бар»: Әлмәттә хәрби әзерлек курслары уза
Башка төбәкләрдән күбрәк гражданнар Әлмәттә хәрби хезмәткә контракт төзүне сайлый.
Яңа хәрбиләр арасында хәрби хезмәт тәҗрибәсе булмаганнар да шактый. Алар өчен үз вазыйфаларын нәтиҗәле башкарырга ярдәм итә торган белем һәм күнекмәләр алу аеруча актуаль.
Хәрби әзерлек курсларында контрактчылар хәрби эшнең мөһим аспектларын үзләштерәләр: тактик һәм ут әзерлеге, беренче медицина ярдәме күрсәтү.
Курсларны тәҗрибәле сугышчылар алып бара, аларның бер өлеше махсус билгеләнештәге отрядларда 20 елдан артык хезмәт итә. Аларның тәҗрибәсе һәм һөнәри белемнәре яңа килүчеләргә теоретик мәгълүматны гына түгел, ә реаль ситуацияләрдә кирәк булачак практик күнекмәләрне дә тапшырырга мөмкинлек бирә. Укулар төркемнәр тупланган саен үткәрелә.
Исегезгә төшерәбез, хәзер контракт төзегәндә бер тапкыр бирелә торган сумма 2 млн сум тәшкил итә. Хезмәтнең беренче елында хәрби хезмәткәрләр 4,3 млн сумга кадәр алачак.
Шулай ук район башлыгы Тимур Нагуманов инициативасы белән контрактчылар военторгка 20 000 сумлык сертификат алалар, бу аларга хезмәт өчен кирәкле товарлар сатып алу мөмкинлеге бирә.
Тулырак мәгълүматны +7 (902) 711-12-11 телефоны номеры буенча белергә була.