Тимур Нагуманов: «Безнең ветераннар-актив, энергияле кешеләр, алар һәрвакыт ярдәм итәргә әзер»
25 июльдә Әлмәт районында Татарстан Республикасы ветераннар (пенсионерлар) оешмасы республика советының күчмә утырышы булды. Анда 200дән артык кеше-ветераннар оешмалары җитәкчеләре, социаль эш өчен җаваплы белгечләр, республиканың барлык районнары һәм Казан шәһәре вәкилләре катнашты. Район башлыгы Тимур Нагуманов һәм ТР ветераннарының төбәк иҗтимагый оешмасы рәисе Хәбир Иштирәков чараның мактаулы кунаклары булдылар.
Күчмә киңәшмә Татарстан нефтенең 60 еллыгы исемендәге Әлмәт шәһәр паркында Геройлар Аллеясына һәм Мәңгелек утка чәчәкләр салудан башланды.Ветераннар оешмалары делегацияләренә «Әлмәт Маскчелтәрләре һәм фронтка ярдәм» штабы эшен, «Актив озын гомер» программасы буенча дәресләр, скандинавия йөреше буенча укулар, шулай ук нефть башкаласының мәдәни – тарихи объектлары буенча экскурсия оештырылды.
Аннары чара Габдрахман авылының кунакчыл җирендә дәвам итте. Бүген ул социаль өлкәдә яңа казанышларга ирешкән заманча авыл җирлеге. Мәдәният йорты фойесында кунаклар ветераннар оешмалары белән берлектә эшчәнлек алып баручы эзләү отрядлары күргәзмәләре белән таныштылар, кыр кухнясыннан ботка белән сыйландылар, стендларда күрсәтелгән беренчел ветеран оешмаларының эш тәҗрибәсен өйрәнделәр. Осталарыбызның декоратив – гамәли сәнгать һәм һөнәрчелек күргәзмәләре, тематик мастер-класслар күпмилләтле Әлмәтнең онытылмас колоритын тудырды.
Семинар-киңәшмәнең пленар өлешен ачып, катнашучыларны район башлыгы Тимур Нагуманов сәламләде.
- Безнең ветераннар-актив, энергияле кешеләр, алар һәрвакыт ярдәм итәргә әзер. Ветераннар оешмасы Үзәге белән тыгыз хезмәттәшлек төрле мәсьәләләрне оператив хәл итәргә мөмкинлек бирә. Аларның эше республика һәм федераль дәрәҗәдә югары бәяләнә, - диде ул.
Хәбир Газиз улы сүзләренә караганда, бүген республикада ТР рәисе Рөстәм Миңнеханов җитәкчелегендә ветераннарның тормыш сыйфатын яхшырту буенча төрле программалар гамәлгә ашырыла: бу торакны бүлеп бирү, булган торакны капиталь ремонтлау, беренче чиратта медицина белән тәэмин итү, шифаханә-курортларда дәвалау, социаль хезмәт күрсәтү һәм башкалар.
Урыннарда ветераннар оешмалары эшчәнлеге турындагы пленар утырышта Әлмәт муниципаль районы ветераннарының (пенсионерларының) җирле иҗтимагый оешмасы рәисе Владимир Яшанин, Клементейкино авыл җирлегенең беренчел ветераннар оешмасы рәисе Элина Уливанова, «Татнефть» ГАҖ территориаль ветераннар Советы Рәисе урынбасары Гүзәл Газимҗанова нотыклар белән чыгыш ясадылар, Түбән Кама муниципаль районының «мәгариф системасы ветераннары» беренчел ветераннар оешмасы рәисе Рәшит Галиәхмәтов һәм башка җитәкчеләр.
Чара ветераннар активын бүләкләү белән тәмамланды.