Әлмәтлеләрне «Әлмәт районы буенча Россия ЭЭМ бүлегенең иң яхшы хезмәткәре» конкурсында катнашырга чакыралар
2024 елның 22 июленнән 20 августына кадәр Әлмәт муниципаль районында хокук саклау органнары хезмәткәрләренең хокук тәртибен профилактикалау өлкәсендәге эшләрен һәм потенциаль мөмкинлекләрен тормышка ашыру максатыннан «Россия Эчке эшләр министрлыгының Әлмәт районы буенча бүлегенең иң яхшы хезмәткәре» конкурсы үткәрелә.
Конкурс шәхси составны хезмәт мәсьәләләрен сыйфатлы хәл итү, тәрбия процессларының нәтиҗәлелеге, әхлакый-эстетик тәрбия, әхлакый-психологик климатны һәм дисциплинаны ныгыту, яшь хезмәткәрләрне рухи-әхлакый һәм героик-патриотик тәрбияләү, хезмәт дисциплинасын, законлылыкны ныгыту, оператив-хезмәт эшчәнлегендә нәтиҗәлелекне арттыру мәсьәләләрендә ярышуга мобилизацияләү максатында үткәрелә.
Эшләр түбәндәге номинацияләр буенча кабул ителә:
- «Профессиональ бурычка тугрылык өчен»;
- «Куелган максатларга ирешүдә үзсүзлелек өчен»;
- «Эш алып бару һәм режим бүлегенең иң яхшы хезмәткәре»;
- «Вазифа бурычларын камил үтәгәне өчен»;
- «Югары профессионализм өчен»;
- «Катлаулы мәсьәләләрне чишү өчен»;
- «Барлык бүлекчәләр белән нәтиҗәле хезмәттәшлек өчен».
Конкурс 3 этапта үткәрелә:
- 1 этап - 22-29 июльдә кандидатлар тәкъдим итү һәм конкурста катнашу өчен документлар тапшыру;
- 2 нче этап - 1 августтан 9 августка кадәр документларны карау, конкурста катнашучыларны сайлап алу;
- 3 нче этап - 12 августтан 20 августка кадәр номинацияләр буенча конкурс нәтиҗәләрен билгеләү, җиңүчеләрне бүләкләү.
Конкурста катнашу өчен кандидатны структур бүлекчә җитәкчесе дә, мөстәкыйль рәвештә дә тәкъдим итә ала.
Конкурста катнашырга теләгән хезмәткәр конкурс комиссиясе рәисе исеменә гариза (Нигезләмәгә 1 нче Кушымта) бирә.
Документларны тапшыру вакыты - агымдагы елның 29 июленнән дә соңга калмыйча.
Конкурска тәкъдим ителгән документларны кабул итү һәм теркәү район Башкарма комитетының иҗтимагый һәм дини берләшмәләр белән үзара хезмәттәшлек секторы тарафыннан башкарыла (Әлмәт шәһәре, Ленин урамы, 39 йорт, 11 кабинет, тел: 39-01-51, R.Saburov@tatar.ru, эш режимы дүшәмбе-җомга 8.00 сәгатьтән 17.00 сәгатькә кадәр, төшке аш 12.00 сәгатьтән 13.00 сәгатькә кадәр).
Конкурста җиңүчеләргә Рәхмәт хаты һәм/яки грамота һәм акчалата бүләк тапшырыла.