Әлмәттә «Эшмәкәрлек фабрикасы. Балалар» бизнес-мәктәбе укучылары ярминкәсе уза
Бүген «Панорама» сәүдә үзәгендә «Эшмәкәрлек фабрикасы. Балалар» бизнес-мәктәбе укучылары ярминкәсе уза. Бу яшьтән үк бизнес нигезләрен үзләштергән балаларның эшләнмәләре һәм товарлары.
Чарада район башлыгы Тимур Нагуманов катнашты. Ул күргәзмә материаллары белән танышты һәм балалар белән аралашты. Бизнес-мәктәп укучыларының берсеннән коктейль сатып алырга өлгерде.
Ярминкәдә 20дән артык төр товар тәкъдим ителгән: 3D принтерда эшләнгән әйберләр, Энҗедән бизәнү әйберләре, кәнфитләр, татлы пешерүләр, компьютер чычканы өчен келәмнәр, бал корты балавы, шәмнәр һәм башка күп нәрсәләр.
Мәктәпнең өлкән педагогы Эльвина Быкова сүзләренчә, бизнес-мәктәп курсларында балалар фикердәшләр табалар һәм эшмәкәр-укытучыларның көчле тирәлеге хисабына үсеш алалар. Теория, максат кую, вакыт белән идарә итүне өйрәнәләр, үз проектларын иптәшләре алдында яклыйлар. Әгәр проект инвестиция комиссиясе тарафыннан хупланса, балаларның үз бизнесларын үстерү өчен грант алу мөмкинлеге дә бар.
Шулай ук яшь эшмәкәрләр шәһәрнең иң яхшы предприятиеләренә йөриләр һәм практикада компанияләрнең бизнес-процесслары һәм аларның уңышлы хуҗалары белән танышалар.
Яшь эшкуарларыбызга уңышлар телибез! Сәүдә үзәгенә барып, балаларыбызның кул эшләре товарларын сатып алырга өлгерегез.