Район башлыгы мобилизацияләнгән хәрби хезмәткәрнең хатынын улы тууы белән котлады

2023 елның 7 марты, сишәмбе

Хатын-кызга яхшы сүзләр һәм котлаулар ишетү һәрвакыт рәхәт. Халыкара хатын-кызлар көне алдыннан мобилизацияләнгән хәрби хезмәткәрнең хатыны Әлмәт муниципаль районы башлыгы Тимур Нагумановтан улының тууы һәм 8 Март бәйрәме белән котлаулар кабул итте.

Яңа туган Солтан гаиләдә икенче бала. Олы абыйсы балалар бакчасына йөри, әтисен бик көтә һәм аның өчен үзенең рәсемнәрен әзерли.

- Иң ихлас котлауларны һәм рәхмәт сүзләрен кабул итегез. Әни булу, балаларны тәрбияләү һәм солдат өчен ышанычлы тыл булу-ныклык һәм тугрылык үрнәге. Сезгә һәм балага көч җыярга, сәламәт һәм нык булырга телим! Җиңүебез белән яклаучыбызның тизрәк өйгә кайтуын көтәбез! - дип билгеләп үтте Тимур Нагуманов.