Төнлә шәһәр юлларының 2 млн 500 кв. метр юл кар чистартылды
Һава шартлары юлчылардан төгәл, оператив һәм сыйфатлы эшләүне таләп итә. «ГУАД» МУП хезмәткәрләре куелган бурычны үти, төнлә идарә көче белән Әлмәт юлларының 2 млн 500 кв.метрын кар чистартылды. Нефтеград урамнарында 25-30 берәмлек техника эшли, 28 кеше җәмәгать урыннарында кар яву нәтиҗәләрен бетерү өчен хезмәт куя.
- Эш тәүлек буе оештырылган. Ленин, Шевченко, Совет урамнары, шулай ук Герцен, Радищев, Гафиятуллин, җәмәгать транспорты тукталышлары һәм аларга якын килү юллары реагентларны җыештыру һәм эшкәртү өчен приоритет булып тора. Шәһәр юлларының торышы канәгатьләнерлек, халык гаризалары буенча оператив рәвештә чаралар күрергә тырышабыз, - дип хәбәр итә «ГУАД» МУП баш инженеры Рафис Нуришанов.
Предприятие 350 км автомобиль юлларына, 150 км тротуарларга һәм 115 км велосипед юлларына хезмәт күрсәтә. Ел башыннан шәһәрдән 43 000 кубометрдан артык кар чыгарылган, 600 тонна минераль галит кулланылган.