Клиник-бактериология лабораториясе эше
2023 елның 17 гыйнварында Әлмәт үзәк район хастаханәсе базасында «Клиник-бактериология лабораториясе эшенең актуаль мәсьәләләре» гамәли конференциясе узды. Чараны оештыручылар-Әлмәт муниципаль районы буенча Сәламәтлек саклау идарәсе, «Актимед» ҖЧҖ белән берлектә. Форум Көньяк-көнчыгыш төбәгенең дәвалау учреждениеләреннән һәм якын-тирә районнардан төрле белгечлек буенча медицина хезмәткәрләрен: КДЛ һәм бактериология лабораторияләре мөдирләрен, табиб-лаборантларны, табиб-бактериологларны, табиб-инфекционистларны, табиб-анестезиолог-реаниматологларны, табиб-эпидемиологларны җыйды.
Түбәндәге спикерлар:
- Юнона холдингының микробиология юнәлеше җитәкчесе, Еатеринбург шәһәре Иванова Елена Александровна,
- м. ф. к., гомуми һәм клиник микробиология, иммунология һәм аллергология кафедрасы ассистенты, КДЛ клиникаларының микробиология бүлеге табиб-бактериологы, Сәламәтлек саклау министрлыгының СамДМУ ЮБ ФДБОУ Исматуллин Данир Дамир улы,
- Россия Сәламәтлек саклау министрлыгының «НМИЦ онкология» ФДБУның клиник микробиология лабораториясе мөдире, Ростов өлкәсе Сәламәтлек саклау министрлыгының медицина микробиологиясе буенча баш штаттан тыш белгече Ольга Юрьевна Куцевалова чыгыш ясадылар.
Конференциядә катнашучылар клиник-бактериология лабораториясе эшенә кагылышлы мәсьәләләр турында фикер алыштылар, медицина микробиологиясендә тикшерүнең заманча ысуллары белән таныштылар, диагностиканың проблемаларын һәм мөмкинлекләрен өйрәнделәр.