«Стоп ВИЧ/СПИД» Бөтенроссия акциясе
Ел саен, 1 декабрьдә Бөтендөнья СПИДка каршы көрәш көне билгеләп үтелә.
Бөтендөнья СПИДка каршы көрәш көнен уздыру максаты - яңа инфекция очракларын булдырмас өчен, ВИЧ-инфекцияле кешеләргә карата стигманы һәм дискриминацияне бетерү өчен мөмкин кадәр күбрәк көч кую. Чөнки бу авыруның таралуы күптәннән риск төркемнәре белән генә чикләнүдән туктады.
2022 елның 28 ноябренә Әлмәт муниципаль районында 2660 ВИЧ-инфекцияле кеше ачыкланган, Әлмәт СПИД үзәгендә 1270 кеше диспансер исәбендә тора. Очракларның иң зур дәрәҗәсе 30-49 яшь төркемендә күзәтелә. ВИЧ-инфекцияне таратуның төп юлы-җенси юл.
ВИЧ таратуның өч юлы гына билгеле:
- сексуаль — ВИЧ-йогышлы кеше белән сакланмаган җенси мөнәсәбәттә;
- парентераль — ВИЧ-позитив кан сәламәт кеше организмына эләккәндә, наркотик матдәләр кулланганда ешрак була;
- вертикаль - балага йөклелек вакытында, бала тудыру процессында, баланы ВИЧ-позитив анадан имезгәндә, ләкин онытмаска кирәк-ВИЧ-позитив хатын-кыз табибка вакытында исәпкә куелганда сәламәт бала таба ала.
ВИЧны тир, селәгәй, күз яшьләре, йөткерү, кул чабу, кочаклау, үбү, бөҗәк тешләве, гомуми савыт-саба һәм ризык, уртак әйберләр: акча, китаплар, компьютер клавиатурасы, көнкүреш әйберләре; су (гомуми бассейн, ванна, душ, бәдрәф кулланганда) аша йоктырырга ярамый.
Бөтендөнья СПИДка каршы көрәш көне кысаларында Әлмәт муниципаль районында мәктәпләрдә, яшүсмерләр клубларында, урта махсус һәм югары уку йортларында, шәһәр оешмаларында мәгълүмати-профилактик чаралар үткәрелә.
Организмда вирус бармы-юкмы икәнен белү өчен бердәнбер ысул-кандагы иммунофицитлык вирусы өчен тикшерү. Без моны регуляр рәвештә эшләргә киңәш итәбез.
29 ноябрьдә «Юбилейный» спорт сараенда «Нефтяник-Ростов» хоккей матчы вакытында ВИЧ-инфекциясенә тикшерү мобиль пункты эшләячәк, анда теләгән һәркем тиз, аноним рәвештә, бушлай тикшерү уза алачак.
Шундый ук тикшерү пунктлары 30 ноябрьдә Яшьләр үзәге каршындагы мәйданда 9.00 дән 15.00 гә кадәр, махсус җиһазландырылган тестмобиль транспортында һәм 1 декабрьдә Панорама сәүдә үзәгендә 13.00 дән 16.00 гә кадәр эшләячәк, анда теләгән һәркем белгечләрнең консультациясен ала, зарарлану куркынычын бәяли, профилактика буенча әдәбият ала һәм 10 минут эчендә ВИЧ тестын бушлай уза алачак.
Тикшерү яшәү урыны буенча поликлиникада яки «ТР ССМ СПИД РЦПБ «ДАССОның Әлмәт шәһәрендәге филиалында (Әлмәт ш., Түбән Мактама ш., Промышленная 1а ур.) эш көннәрендә үткәрелергә мөмкин.
ВИЧ-инфекцияне профилактикалау мәсьәләләре буенча консультация һәм мәгълүматны 8-(8553) 36-20-17, 36-20-18 телефоннары аша алырга мөмкин.