Әлмәтлеләр «Ел экспортеры» конкурсында катнаша ала
Татарстан Республикасы Икътисад министрлыгы «Кече һәм урта эшкуарлык һәм шәхси эшкуарлык инициативасына ярдәм» милли проектын гамәлгә ашыру кысаларында ел саен үткәрелә торган «Ел экспортеры» региональ конкурсында катнашу өчен гаризалар кабул итү башлануы турында хәбәр итә.
Конкурс «Татарстан Республикасы Эшкуарлыкка ярдәм фонды» коммерцияле булмаган микрокредит компаниясе тарафыннан министрлык ярдәме белән үткәрелә.
Конкурсның максаты – Татарстан Республикасы кече һәм урта эшкуарлык субъектларының тышкы икътисадый эшчәнлеген үстерүгә ярдәм итү, кече һәм урта эшкуарлык-экспортчылар субъектларының алдынгы тәҗрибәсен тарату мөмкинлеген тәэмин итү.
Конкурста катнашу өчен документлар http://exportergoda-rt.ru/ сайтында 2024 елның 3 маена кадәр кабул ителә.
Конкурста катнашу өчен Татарстанның кече һәм урта эшкуарлык субъектлары предприятиеләре-экспортерлары чакырыла (2007 елның 24 июлендәге 209-ФЗ номерлы Федераль закон нигезендә).
2023 елгы конкурста җиңгән предприятиеләр конкурста катнаша алмый. Шулай ук конкурсант-предприятие конкурста бердән артык номинациядә катнаша алмый.
Түбәндәге номинацияләр билгеләнә:
Төп номинацияләр:
Сәнәгать өлкәсендә иң яхшы экспортер;
Хезмәтләр өлкәсендә иң яхшы экспортер;
Агросәнәгать комплексы өлкәсендә иң яхшы экспортер;
Югары технологияләр өлкәсендә иң яхшы экспортлаучы;
Елның ачышы;
Иң яхшы хатын-кыз экспортлаучы;
Иң яхшы яшь экспорт эшкуары.
Өстәмә номинацияләр:
Иң экзотик экспорт иле;
Экспортның иң зур географиясе;
Иң яхшы гаилә экспорт компаниясе;
Яңа экспорт продукты;
Иң яхшы социаль эшкуарлык экспортеры;
Иң яхшы иҗади индустрия экспортеры.
Экспортер компаниясе кейсы карары буенча югары уку йортлары студентлары өчен аерым номинация билгеләнгән. Әлеге номинация буенча проектлар «экспортер кейсы» билгесе белән tatexport@yandex.ru электрон почтасына 4[1] номерлы кушымта нигезендә форма буенча кабул ителә.
Татарстан Республикасы эшкуарларын - тышкы икътисадый эшчәнлектә катнашучыларны, конкурста катнашырга, кече һәм урта эшкуарлык арасында экспорт эшчәнлеге лидеры булырга чакырабыз.
«Ел экспортеры-2024» - республика товар җитештерүчеләренең тышкы икътисади эшчәнлеге буенча иң яхшы тәҗрибәсен һәм практикасын алга сөрү өчен мәйданчык.
* «ТР Эшкуарлыкка ярдәм фонды» МКК 22.04.2024 №25-ЦПЭ боерыгы белән расланган Ел саен үткәрелә торган «Ел экспортеры» региональ конкурсын үткәрү турындагы нигезләмәгә 4 нче кушымта. (http://exportergoda-rt.ru/ сайтында карап була).