Бүлек турында нигезләмә

Татарстан Республикасы Әлмәт муниципаль районы

башкарма комитетының

икътисад, сәнәгать һәм сәүдә идарәсенең муниципаль заказ бүлеге турында

нигезләмә

1. Гомуми нигезләмәләр
1.1.Татарстан Республикасы Әлмәт муниципаль районы башкарма комитетының икътисад, сәнәгать һәм сәүдә идарәсенең муниципаль заказ бүлеге (алга таба-бүлек) Әлмәт муниципаль районы башкарма комитетының икътисад, сәнәгать һәм сәүдә идарәсенең товарлар, эшләр, хезмәт күрсәтүләрне сатып алуларны урнаштыру мәсьәләләре буенча идарәнең функцияләрен тормышка ашыручы структур бүлекчәсе булып тора.

1.2.Бүлек икътисад, сәнәгать һәм сәүдә идарәсе башлыгына, Әлмәт муниципаль районы башкарма комитеты җитәкчесенең икътисад буенча урынбасарына буйсына.

1.3.Бүлек үз эшчәнлегендә Россия Федерациясе Конституциясенә, Татарстан Республикасы Конституциясенә, федераль законнарга, Татарстан Республикасы законнарына, Татарстан Республикасы Дәүләт Советы карарларына, Россия Федерациясе Президенты, Татарстан Республикасы Президенты Указларына һәм боерыкларына, Татарстан Республикасы Министрлар Кабинеты карарларына һәм күрсәтмәләренә, карарлар һәм күрсәтмәләргә, башка норматив актларга, шулай ук әлеге Нигезләмәгә таяна.

1.4.Бүлекнең структурасы һәм штат расписаниесе Татарстан Республикасы Әлмәт муниципаль районы башкарма комитеты җитәкчесе тарафыннан раслана.

2. Бүлек бурычлары
Бүлекнең төп бурычлары:
2.1 Конкуренцияне саклау, сатып алуларны урнаштыруда аңлаешлылыкны һәм ачыклыкны арттыру, коррупциягә каршы тору:

• Әлмәт муниципаль районы өчен товарлар, эшләр, хезмәтләр сатып алуларны урнаштыру;
• Әлмәт муниципаль районы муниципаль контрактлар реестрын алып бару;
• Әлмәт муниципаль районының рәсми сайтында «Муниципаль заказ» бүлеген алып бару.

2.2 сатып алуларның икътисади нәтиҗәлелеген арттыру.

3. Бүлек функцияләре
3.1 Бүлек үз компетенциясе чикләрендә 2.1 пункты нигезендә. түбәндәге функцияләрне башкара:
3.1.1. Муниципаль заказчылар өчен сатып алулар урнаштыруны тәэмин итү максатларында:
3.1.1.1 идарә башлыгы белән килештерү буенча бердәм комиссиянең (алга таба - комиссия) составын һәм эш тәртибен төзи;
3.1.1.2 сатып алу процедураларын үткәрү өчен кирәкле муниципаль заказчылар тарафыннан вәкаләтле органга тапшырыла торган документларга исемлек һәм таләпләр төзи;
3.1.1.3 муниципаль заказчылар тарафыннан документлар тапшыру тәртибен һәм әлеге документларны кабул итү тәртибен эшли;
3.1.1.4 бүлеккә тапшырыла торган муниципаль заказчыларның документларын һәм тәкъдимнәрен карау тәртибен эшли;
3.1.1.5 сатып алу турында документларны килештерү һәм раслау тәртибен эшли;
3.1.1.6 3 эш көненә кадәрле вакыт эчендә муниципаль заказчылардан кабул итә һәм сатып алу турындагы документларны һәм сатып алу процедураларын үткәрү өчен кирәкле башка документларны карый;
3.1.1.7 ачык конкурс үткәрү турында хәбәрләрнең, электрон аукцион үткәрү турында хәбәрләрнең, котировкалар соратып алу турында хәбәрләрнең, бердәнбер тәэминатчыдан (подрядчыдан, башкаручыдан) сатып алуны гамәлгә ашыру турында хәбәрләрнең текстларын, конкурс документациясен, электрон аукцион турында документларны эшли, муниципаль заказчы тарафыннан эшләнгән һәм расланган Россия Федерациясе законнары таләпләренә туры килә торган конкурс документларының һәм электрон аукцион турында документларның техник биремен (алга таба - техник бирем) һәм контрактның проектын кертә;
3.1.1.8 ачык конкурс үткәрү турында хәбәрләр, электрон аукцион үткәрү турында хәбәрләр, котировкаларны соратып алу турында хәбәрләр, бердәнбер тәэминатчыдан (подрядчы, башкаручыдан) сатып алуны гамәлгә ашыру турында хәбәрләрне рәсми гомумроссия сайтында урнаштыра;
3.1.1.9 конкурс документларын, кызыксынган затларга электрон аукцион турында документларны бирә, конкурс документларын һәм электрон аукцион турында документларны гомумроссия рәсми сайтында урнаштыруны тәэмин итә;
3.1.1.10 гариза конвертларын һәм электрон документ рәвешендә бирелгән гаризаларны кабул итә һәм теркәп куя;
3.1.1.11 конкурста катнашу өчен гаризалардагы мәгълүматларның хосусыйлыгын конкурста катнашуга гаризалар салынган конвертларны ачканчы һәм электрон документлар формасындагы гаризалардан файдалану мөмкинлеген ачканчы тәэмин итә;
3.1.1.12 котировкалар соратып алу һәм электрон документлар рәвешендә шундый гаризаларга керү мөмкинлеген ачу өчен гаризалар салынган конвертларны ачуга аудиоязма ясый;
3.1.1.13 муниципаль заказчылар җәлеп итеп сатып алуда катнашучыларның гаризаларын тикшерүне оештыра:

• "Дәүләт һәм муниципаль ихтыяҗларны тәэмин итү өчен товарлар, эшләр, хезмәт күрсәтүләрне сатып алу өлкәсендә контракт системасы турында" 05.04.2013 ел, №44-ФЗ Федераль законның 31 статьясында билгеләнгән таләпләргә туры килүгә (алга таба-Закон);
• конкурс документлары яки электрон аукцион документлары таләпләренә туры килүгә;
• Законның 21 статьясының 2 өлешендә, 66 статьясының 3,4,5 өлешләрендә яисә 73 статьясының 3 өлешендә билгеләнгән документларга яисә мондый документларда сатып алуда катнашучы яки продукция турында дөрес булмаган белешмәләр булуга;

3.1.1.1.14 кирәкле очракларда сатып алуда катнашучылар турында тиешле дәүләт органнарыннан һәм оешмалардан мәгълүмат сорый;
3.1.1.1.15 комиссияләргә гаризаларны тикшерү нәтиҗәләре турында мәгълүмат бирә;
3.1.1.1.16 комиссия әгъзалары белән берлектә сатып алу беркетмәләрен имзалый һәм аларны Гомумроссия рәсми сайтында урнаштыра;
3.1.1.1.17 сатып алуда катнашу өчен гариза биргән катнашучыларга конкурста һәм аукционда катнашу яисә конкурста һәм аукционда катнашудан баш тарту турында тиешле комиссия кабул иткән карарлар турында хәбәрнамәләр җибәрә;
3.1.1.18 законда билгеләнгән тәртиптә сатып алуларны үткәрү процедураларын үти;
3.1.1.19 комиссия әгъзалары белән берлектә сатып алу беркетмәләренә кул куя, аны рәсми гомумроссия сайтында урнаштыра;
3.1.1.20 комиссияләр эшен оештыру-техник яктан һәм документация белән тәэмин итә;
3.1.1.21 кирәк очракта муниципаль заказчыдан сатып алуларны урнаштыру процедуралары йомгаклары буенча төзелгән контрактларның күчермәләрен сорап ала;
3.1.1.22 Россия Федерациясе законнары нигезендә башка функцияләрне башкара;
3.1.2. Аңлаешлылыкны һәм ачыклыкны арттыру максатларында бүлек гамәлдәге законнар нигезендә сатып алуларны урнаштыру йомгаклары буенча төзелгән муниципаль контрактлар реестрын алып бара:
3.1.2.1. контракт (аны үзгәртү) турында мәгълүматлар яки контрактның үтәлеше (гамәлдә булу туктатылуы) турында мәгълүматларны гомумроссия рәсми сайтында заказчыдан тиешле мәгълүматлар кергән көннән 3 көннән дә соңга калмыйча урнаштыра.
3.1.3. Конкуренцияне арттыру, сатып алуда катнашучыларга хәбәрдар булу максатыннан, бүлек Әлмәт муниципаль районының рәсми сайтында «Муниципаль заказ» бүлеген алып бара:
3.1.3.1. Әлмәт муниципаль районы рәсми сайтының «Муниципаль заказ» бүлегендә товарларны, эшләрне, хезмәт күрсәтүләрне сатып алулар турында мәгълүматлар, хисаплар урнаштыру;
3.2 Документлар әйләнешен һәм документларның үтәлешен оештыра, шул исәптән электрон почта һәм факс элемтә каналлары буенча.
3.3 Сатып алуларны нәтиҗәле урнаштыруны тәэмин итүгә юнәлдерелгән җирле үзидарә органнарының норматив - хокукый актлары проектларын эшләүдә катнаша.
3.4 Сатып алуларны урнаштыру йомгаклары буенча төзелгән муниципаль контрактларның үтәлешен тикшереп тору чараларында катнаша.
3.5 Сатып алулар барышында районның икътисади мәнфәгатьләрен үти.
3.6 Сатып алулар процедурасын оештыруны камилләштерү юлы белән районның муниципаль сатып алуларын оптимальләштерергә ярдәм итә.

4. Бүлек хокуклары һәм бурычлары
4.1.Бүлек үзенең төп функцияләрен башкару өчен хокуклы:
4.1.1.билгеләнгән тәртиптә башкарма комитетның структур бүлекчәләрендә, башка дәүләт идарәсе органнарында, җирле үзидарә органнарында, шулай ук бүлеккә йөкләнгән бурычларны үтәү өчен кирәкле материалларны учреждениеләрдән, оешмалардан һәм вазыйфаи затлардан соратып алырга;
4.1.2.билгеләнгән тәртиптә кирәкле мәгълүматны регламент режимында алу, җибәрү юлы белән дәүләт идарәсе органнары, җирле үзидарә органнары, предприятиеләр һәм башка оешмалар белән хезмәттәшлек итәргә;
4.1.3.аның компетенциясенә кергән мәсьәләләр буенча киңәшмәләр оештыру, дәүләт идарәсенең башка органнары, предприятие һәм башка оешма җитәкчеләре һәм белгечләрен җәлеп итеп, аларның хәбәрләрен тыңлау;

5. Бүлек эшчәнлеген оештыру
5.1.Бүлекне Әлмәт муниципаль районы башкарма комитеты җитәкчесе вазыйфасына билгеләп куела һәм вазыйфадан азат ителә торган начальник җитәкли
5.2. Начальник:
5.2.1.бүлек эшен оештыра һәм бүлеккә йөкләнгән бурычларны вакытында һәм сыйфатлы башкару һәм үз функцияләрен башкару өчен шәхси җавап тота;
5.2.2.бүлек белгечләре арасында вазыйфаларны бүлә;
5.2.3.бүлек эше мәсьәләләре буенча боерыклар чыгара, аларның үтәлешен контрольдә тота;
5.2.4.делегацияләнгән хокуклар кысаларында башка вәкаләтләр башкара.

Соңгы яңарту: 2022 елның 22 ноябре, 14:39