ЯҢАЛЫКЛАР

Синоптиклар хәбәр иткәнчә, иртәгә, 22 июнь көнне, аязучан болытлы һава торышы көтелә. Төнлә яңгыр, көндез явымсыз. Минималь температура төнлә  +9..+13º, максималь температура көндез  +21..+24º.

29 июньдә    08.00 - 16.00 сәгать аралыгында Әлмәттә  чираттагы бушлай юридик ярдәм күрсәтү көне узачак. Ул Бөтенроссия бушлай юридик ярдәм күрсәтү көне кысаларында уза.   Алдан язылу өчен телефон: 45-49-35.

16-17 июнь көнне шәһәр күленең комлыгында пляжу волейболы буенча ярышлар узды. Әлеге ярышларда барлыгы  30 команда   4 номинациядә чыгыш ясады. Әлмәт спортчылары 12 мөмкин булганнан  7 призлы урын яуладылар.

Синоптиклар әлмәтлеләрне җил көчәюе турында кисәтәләр. Минималь температура төнлә +11..+15º,максималь көндез +19..+22º.

5 июньнән  5 июльгә кадәр Әлмәттә  "Искә алу айлыгы" уза, аның кысаларында зиаратларда тәртип урнаштырыла. Чираттагы өмә 19ы көнне узды. Әлеге өмә район башлыгы Айрат Хәйруллин, "Бердәм Россия" фракциясе депутатлары инициативасы белән мөмкин булды һәм шәһәр башкарма комитеты җитәкчесе Ленар Вәлиев җитәкчелегендә оештырылды. 

Әлмәт районы халкына түләүсез медицина ярдәме күрсәтү буенча дәүләт гарантияләре Программасы кысаларында 25 июньнән  маршрутизациянең бердәм үзәге булдырыла, аның телефоны да билгеле: 22-77-22. Бу турыда журналистлар белән булган брифингта  Вера Головина бәян итте.

Иртәгә, 20 июнь көнне, шәһәрдә аязучан болытлы һава торышы күзәтеләчәк. Төнлә явым-төшемсез; көндез кыска вакытлы яңгыр, яшенле яңгыр, урыны белән боз. 

Татарстан Республика­сында Пенсиягә социаль өстәмә түләүне билгеләү максатларында пенси­онерга яшәү миниму­мы 2018 елга 8232  сум күләмендә билгеләнде. Пенсиягә социаль өстәмә түләү алу өчен  алдан гари­за язып, кирәкле доку­ментларны тапшырырга кирәк. Пенсия фондының тер­риториаль органы пен­сионерга гомуми матди тәэмин ителеш сумма­сын билгеләгәндә пенси­онерга үзе яшәгән яисә пенсия алган субъект тарафыннан бирелгән түләүләр, акчалата экви­валентлар һәм социаль ярдәм чаралары исәпкә алына.Түбәндәгеләрне искәртү зарур: пенсионер әлеге түләүне туктату өчен сәбәп булучы бар­лык очракларны, шул исәптән эшкә урнашу­ны да, Пенсия фонды­на кичекмәстән хәбәр итәргә тиеш.

17 июнь көнне паркта 22 мәктәпкәчә мәгариф учреждениесе арасында  «Лучший летний букет, лучшая композиция из цветов»  бәйгесе узды. Җиңүчеләргә бүләкләр тапшырылды. 1 нче урынны 58нче  «Шаян нәнилэр» балалалар бакчасы коллективы яулады. 2 нче урында 4 нче «Дружба», 23 нче  «Малыш» балалар бакчалары, 
 3 нче «Городок чудес», 27нче  «Нәни куллар», 60нчы  «Дружная семейка» балалар бакчалары.

 Россиия үзәгендә яшәүчеләр Ай тотылуын күзәтә алачаклар. Марс һәм Җир  июль төнендә 56 – 58 млн км.аралыкта якынаячаклар.