Әлмәттә укытучыларның август конференциясе булып узды

Әлеге чара узган уку елына йомгак ясап, бер еллык эшчәнлеккә нәтиҗә чыгару гына түгел, ә яңа уку елына старт бирү дә әле. 

Гадәттәгечә быелгы август киңәшмәсенә дә мәгариф вәкилләре генә түгел, ә район җитәкчелеге һәм мәртәбәле кунаклар да килгән иде. Интерактив мәйданчыклар күргәзмәсе белән башланып киткән чара соңрак пленар киңәшмәдә дәвам итте. 
Быелгы киңәшмәнең темасы болайрак яңгырады: “Әлмәт районы мәгариф системасының стратегик юнәлешләре буларак этномәдәни һәм тәрбияви компонентлар”. Шуңа күрә чыгышларның күбесе милли һәм этномәдәни тәрбиягә өстенлек биреп төзелгән иде.