Район башлыгы Айрат Хәйруллин "Яшелчә үзәнендә" бара торган эшләр белән танышты

Яңгырлы һава торышына карамастан, районның яшелчә плантацияләрендә эшчәнлек тулы көчкә бара. Монда иртә утырта торган культураларны, беренче чиратта, Пекин кәбестәсен, утырталар.

Авыл хуҗалыгы һәм азык-төлек идарәсе начальнигы һәм район белгечләре озатуы белән Айрат Хәйруллин участокларны тикшерде, ачык туфракка рассадаларны урырту технологиясе белән танышты, агымдагы мәсьәләләр турында фикер алышты.

Шуннан соң Айрат Хәйруллин "Җиләк-җимеш үзәнендә", карлыган кырында, булды, анда шулай ук эш барышы белән танышты.