Әлмәтлеләр урам сәнгате өлкәсендә дөньякүләм танылган артисттан мастер-классларга килә алалар

«Татнефть» компаниясе Санкт-Петербургтан «Странствующие куклы господина Пэжо» театры белән берлектә «Әлмәттә урам театрлары» проектын тормышка ашыра. Әлеге проектның максаты - урам сәнгате буенча үзебезнең коллективны булдыру. 15 июньнән дөньякүләм танылган артист, урам сәнгате өлкәсендәге күренекле профессионал – аргентиналы Локо Брускадан мастер-класслар башланып китә. 

Луи «Локо» Бруска – тамашачыларның төрле категорияләре алдында чыгыш ясау буенча күпьеллык эш тәҗрибәсенә ия булган профессиональ урам артисты. Урам интерактивы, ягъни актерның тамашачылар белән үзара хезмәттәшлеге остасы. Локо Бруска спектакльләре кешеләрнең аңын яхшы якка үзгәртүгә юнәлдерелгән һәм тормыш-яшәешебезнең мөһим мәсьәләләрен күтәрә. Ул «serious comedy» жанрында эшли – юморны төп эш коралларыннан берсе итеп файдалана. Испания, Япония һәм башка илләрдә узган күпсанлы фестивальләрдә премия яулаган лауреат. Моннан тыш, буто япон биюе техникасын бөтен камиллегендә белә. 
Loco Brusca – actor-dancer-director. 
"It is an actor without limits, while, mime, clown and a delirious art of improvisation." 
Локо Бруска турында тулырак: www.locobrusca.com 
17 июньдә Локо Бруска урамда ачык занятие үткәрәчәк. Шуның белән аның Әлмәт урам артистлары өчен мастер-класслар курсы тәмамлана.