29 майдан алып 9 июньгә кадәр Мәскәүдә "Мәскәү дусларны очрата" XIV халыкара фестивале - иң масштаблы халыкара Владимир Спиваков хәйрия фонды проекты уза.
2004 елдан бирле ел саен иң яхшы концерт мәйданнарында Россия, БДБ, Балтия һәм ерак чит илләре регионнарыннан килгән илчеләр: солистлар-инструменталистлар, вокалистлар, бию һәм хор коллективлары, цирк студияләре, рәссамнар, оркестрлар һәм дирижерлар үзләренең сәнгатен күрсәтәләр. Быел фестиваль Россиядә экология елына багышланган һәм "Җан экологиясе" девизы астында уздырыла.