Бүген район башлыгы Айрат Хәйруллин "Кванториум" балалар өчен технопаркта булып төзелеш-ремонт эшләренең барышы белән танышты. Рейд вакытында узган киңәшмәдә бинаның түбәсен җылыту, вентиляция, фасад ясау, кирәкле җиһазлар кайтаруга кагылышлы сораулар тикшерелде.
"Кванториум" 4 мең квадрат метрлы бинаны алып тора. Биредә инженерлык сәләте һәм фәнни хезмәт белән кызыксынучы яшьләргә өстәмә белем бирү үзәге булдыру күздә тотыла. Технопаркны ачу якынча февраль урталарына билгеләнгән.