РФ Дәүләт Думасы депутаты Ринат Хәйров әлмәтлеләрне кабул итте

Депутатка әлмәтлеләр төрле сораулар белән мөрәҗәгать иттеләр. Шулай да сорауларның күпчелеге торак-коммуналь хуҗалык тармагы буенча иде.

 - Бу бик актуаль сорау. Халык безнең ярдәм итәчәккә ышана. Ә без үз чиратыбызда аларның ышанычларын акларга тырышабыз. Күп сораулар урында чишелә. Гражданнар безгә рәхмәтләрен бик еш белдерәләр, - дип билгеләп узды Ринат Шамильевич.

Капиталь ремонт буенча компенсация, җир участогын, йортны рәсмиләштерү – әлеге сорауларның барысы да депутат контроленә алынды. 

Кабул итү тәмамланганнан соң,   Ринат Хәйров «Әлмәт -Водоканал» җәмгыятендә отчет җыелышында катнашты.

Резеда Исмәгыйлева, Әлмәт муниципаль районы башлыгының матбугат хезмәте