Әлмәтлеләр “Древо жизни” төбәкара экология фестивалендә катнаша алалар
18 ноябрь көнне VI ачык төбәкара экология фестивале старт ала. Фестиваль “Синең табигатең” балалар һәм яшьләр хәрәкәте кысаларында Вернадский исемендәге дәүләт геология музее базасында, Россиянең мәгариф һәм фән министрлыгы, “Мосприрода” ярдәме белән уздырыла..
«Древо жизни» 2012 елда беренче тапкыр үткән булган. Чараның төп максаты – балаларда экологиягә карата белем һәм тәҗрибә кызыксынуы уяту. 5 ел эчендә «Древо жизни» үзенең география киңлеген арттыра төшкән һәм анда катнашучылар саны да арткан.
Фестивальдә 6 яшьтән алып 18 яшькә кадәр булган балалар, аларның әти-әниләре һәм педагоглар катнаша ала. Җиңүчеләр “Артек” халыкара балалар үзәгенә юллама алачаклар. Фестивальне Оксана Федорова һәм Арина Шарапова алып барачаклар.
Катнашырга теләк белдерүчеләргә twoyapriroda@yandex.ru, адресы буенча заявка җибәрергә мөмкин. Анда массакүләм мәгълүмат чарасының адресы һәм вазифагыз язылырга тиеш.