Айрат Хәйруллин 90,5 FM ешлыгындагы «Желанное» радиосының турыдан-туры эфирында катнашты

Бүген, бердәм сайлу көнендә, Нефтьчеләр мәйданында иртәдән җирле бәйрәм гөрли. Әлмәтлеләрнең кәефләре күтәренке. Аларның күбесе инде үз тавышларын биреп, хәзер гаиләләре белән  күңел ачалар.

Әлмәт районы башлыгы Айрат Хәйруллин, Татарстан Республикасы президенты каршында эшмәкәрләр хокукын яклаучы вәкил Тимур Нагуманов, ТР Дәүләт советы депутаты Марат Галеев та мәйданда булдылар. Алар концерт карадылар, балалар мәйданчыкларының эшен күзәтеләр, әлмәтлеләр белән аралашып, фотога төштеләр.  Шуннан соң алар 90,5 FM ешлыгындагы «Желанное» радисының турыдан-туры эфирында катнашты.