Җәйнең беренче көне Әлмәт балалары өчен иң шатлыклы һәм күңелле бәйрәмгә әверелде. Төп чаралар Татарстан нефтенең 60 еллыгы исемендәге паркта оештырылды. Сәнгать белән кызыксынучылар иртән – иртүк рәсем ясадылар, күңел ачу, спорт уеннары, көтелмәгән сюрпризлар белән тулы программа – бар да алар өчен иде. Парк сәхнәсендә район башлыгы Айрат Хәйруллин катнашында тантаналы чара да узды. Биредә күп балалы гаиләләргә бүләкләр тапшырдылар.