Айрат Хәйруллин: « Безнең төп максат – инвестицияләр җәлеп итү һәм яңа эш урыннары булдыру»

Район башлыгы Айрат  Хәйруллин “Нефтьче” мәдәният сараенда  кече һәм урта  бизнесс вәкилләре  белән очрашты.  Чарада   көн  кадагында торган  актуаль сораулар каралды.  Очрашуны ачып, район  башлыгы  Эшмәкәрлекне үстерү департаментының яңа режимда эшләргә тиешлеген  ассызыклады. “Эшмәкәрләрнең, шул исәптән эш башлаучыларның да  властькә  ышанып, экономиканың кирәкле секторында  үз эш формаларын  табулары мөһим.  Аларга  оештыру  ягыннан гына түгел, финанс мәсьәләләрендә дә  ярдәм  күрсәтеләчәк,– диде ул.