Бүген шәһәребезнең һәр почмагында чистарту-тазарту эшләре иртәдән бирле гөрләп бара. Экологик өмәгә медицина хезмәткәрләре дә чыкты. Алар шәһәребез чисталыгы – сәламәтлек башы булуына нык ышанып, җиң сызганып эшләде. Олыларга аларның ул-кызлары да кушылды. Нәтиҗәдә 1792 кеше көче белән шәһәребездән 17 машина чүп чыгарылды, медицина учрежденияләре ишегалларына тугыз юкә агачы утыртылды.