Төп бурыч – хезмәткәрләрнең тормышын һәм сәламәтлеген саклау

4 апрель көнне ӘМР башкарма комитетында хезмәтне саклау буенча Координацион советының чираттагы утырышы узды. Әлмәт шәһәре башкарма комитеты җитәкчесе Илнур Гыйлемханов рәислегендә комисся әгъзалары 2016 елга эш планнары билгеләделәр, Бөтендөнья хезмәтне саклау айлыгы үткәрү буенча фикер алыштылар. Илнур Гыйлемханов сүзләренә караганда, бу юнәлештә күпмедер нәтиҗәләргә ирешелсә дә тынычларыга иртәрәк. 2015 елда муниципаль район территориясенә кергән оешма һәм предприетиләрдә 42 бәхетсезлек очрагы теркәлгән, шуларның 13 авыр хәлдә дип бәяләнсә, 2 се үлем белән тәмамланган. Агымдагы елның март аенда 2 бәхетсезлек очрагы булган.