Айрат Хәйрулли: «Әлмәт – нефть башкаласы гына түгел, мәдәни башкала да ул!”

16 март көнне Әлмәт картин галереясында сәнгать сөючеләр очрашты. Монда Казан, Самара, Жигулевск рәссамнарының 120дән артык эшен туплаган “Арт-Күпер 2016” сату күргәзмәсен танатаналы рәвештә ачып җибәрделеләр.

Сәнгать әһелләрен районыбыз башлыгы Айрат Хәйруллин сәламләде. Үз чыгышында район башлыгы Әлмәт мунициппаль районының хаклы рәвештә республика көньяк-кончыгышының мәдәни үзәге дип саналуын ассызыклады, әлеге күргәзмәнең шул дәрәҗәне кбат исбатлавына басым ясады.

Татарстан Республикасында “Арт-Күпер” проекты җитәкчесе Диләрә Байчурина әйтүенчә, күргәзмәнең төп максаты – Россияядә яшәүче барлык кешеләрне заман сәнгате, үзебездә формалашкан традицион мәктәпләр белән таныштыру.

Күргәзмә 4 нче апрельга кадәр дәвам итәчәк. Рәхим итегез!