Әлмәттә төзү һәм торак-коммуналь комплекс оешмалары өчен методик семинар узды

“Ивестицияле төзелеш процессының барлык этапларында төзелеш бәясе белән идарә итү системасы. Торак-коммуналь хуҗалыгының актуаль мәсьәләләре һәм аларны хәл итү юллары” – ТР көньяк-көнчыгыш икътисади зонасының  төзү һәм торак-коммуналь комплекс оешмалары вәкилләре әнә шундый темаларга сөйләшү максатыннан Әлмәт шәһәренең Яшьләр үзәгендә җыелды.

Чарада ТР Төзү, архитектура һәм торак-коммуналь хуҗалыгы министрлыгы, ТР Баш инвестицияле төзелеш идарәсе, Казан дәүләт архитектура-төзелеш университеты, “Татнефть” ПАҖ, ТР көньяк-көнчыгыш икътисади зонасына кергән муниөипаль районнарның башкарма комитет, төзелеш һәм торак-коммуналь хуҗалык комплексы җитәкчеләре һәм белгечләре катнашты.

Катнашучыларны Әлмәт муниципаль районы башлыгы Айрат Хәйруллин сәламләде. Районыбыз башлыгы фикеренчә, “төзелеш – икътисадны алга әйдәп бара торган, шәһәр һәм авылларыбызны гүзәлләндерә торган локомотив ул”, мондый семинарлар бу өлкәдә булган мәсьәләләрне уртак хәл итү мөмкинлеге бирә, диде ул.