Казанда “Татнефть” ААҖ Директорлар советы утырышы узды

Казанда Татарстан Республикасы Президенты вазыйфаларын вакытлыча башкаручы Рөстәм Миңнеханов рәислегендә бүген “Татнефть” ААҖ Директорлар советы утырышы булды.

Анда «Татнефть» ААҖ нең агымдагы елның 4 аенда бюджет үтәлеше нәтиҗәләре каралды һәм июньгә бюджет расланды. 2015 елның беренче кварталына компаниянең финанс-хуҗалык эшчәнлеге нәтиҗәләре буенча фикерләштеләр.

Агымдагы елның өч аенда «Татнефть» ААҖ нефть ятмаларыннан 6 млн 495 мең тонна нефть чыгарылган, б, узган елның шул чоры белән чагыштырганда, 0,7 процентка күп. Әшәлче нефть ятмаларыннан 74 мең тонна югары үзле нефть табылган.

Компаниянең финанс-хуҗалык эшчәнлеге нәтиҗәләре буенча хисап чорында 20,8 млрд сум күләмендә саф табыш алынган, дип хәбәр итә «Татнефть» матбугат хезмәте.

Утырышта катнашучылар «Доманик» һәм «Битум» фәнни полигоннарында традицион булмаган углеводород белән эшләү перспективалары, шулай ук 2016-2017 елда нефть чыгару планы буенча фикер алышты. Хәзер компания 86 нефть чыгару урынында эшли. «Миллер энд Ленц» фирмасы аудиторлары бәяләвенчә, исбатланган нефть запаслары 851,527 млн тонна тәшкил итә.

Директорлар советы якындагы ике елга планны хуплады.