Салкын Чишмә авылында Бөек Ватан сугышы ветераннарына һәйкәл ачылды

Еллар узса да, хәтирәләр онытылырга тиеш түгел. Бөек Җиңүнең 70 еллыгына әзерлек кысаларында районда фронтта гомерләре өзелгән якташларыбызның исемнәрен мәңгеләштерү дәвам итә. 5 май көнне Салкын Чишмә авылында изге җиребезне илбасарлардан саклап калган, аның иминлеге өчен гомерләрен кызганмаган каһарманнар истәлегенә һәйкәл ачылды.

Тантанада Әлмәт муниципаль районы башлыгы урынбасары Наҗия Хәйдәрова, Сөләй авылы җирлеге башлыгы Гөлчәчәк Шәйдуллина, Әлмәт районы буенча хәрби комиссар урынбасары Нәфис Гыйззәтуллин, мәктәп укучылары, авыл кешеләре катнашты.

Салкын Чишмә Сөләй авылы җирлегенә караган, табигатьнең матур почмагында урнашкан авыл. Бүгенге көндә биредә 45 хуҗалык, 100 дән артык кеше исәпләнә. 1941-45 елларда Салкын Чишмәдән сугышка 34 ир-егет алына, аларныү 25 е туган якларына кире әйләнеп кайта алмый. Кара кайгы җиле бер генә гаиләне дә читләтеп узмый, улын югалткан аналар, тол калган хатыннар, әтисез үскән балалар хәтерендә сугышның барлык хәсрәтләре. Һәйкәл ачылу тантанасына килгән һәр кеше күңеленнәнүзенекеләрне барлады ул көнне.

Яу кырында ятып калганнар рухына багышлап азан әйтү белән башланып киткән чараны дәвам итеп Наҗия Хәйдәрова район җитәкчелеген исеменнән авыл кешеләрен һәм килгән кунакларны бәйрәм белән котлады:

- Безнеү халыкта матур бәйрәмнәр күп, ләкин 9 Май- Җиңү көне арада иң кадерлесе, абруйлысы һәм хәтерләргә тирән уелганы. Быел, илебезнең фашист илбасарларыннан азат ителүенә 70 ел тулган юбилей чорында, без аны мөмкин кадәр күләмле, онытылмас итеп үткәрергә тиешбез. Әлмәт районыннан сугышка 18 меү кеше алына, шуларның меңннән артыгы әйләнеп кайтмаган. Агымдагы елда районыбызның 14авылында һәйкәлләр, мемориаль такталарны реконструкцияләү, яүаларын ачу эше бара. Бу тарихны күчереп язмас өчен, киләчәк буыннар бу хакта белсен өчен һәм өлкән буын кешеләренә олы ихтирам йөзеннән башкарыла. Без өлкән буын алдында мәңге бурычлы, - диде ул үзенең чыгышында.

Салкын Чишмә авылы егете, һәйкәл ачуны башлап йөрүче һәм оештыручыларның берсе Марат Ямалиевка Совет һәм башкарма комитетның Рәхмәт хатын тапшырды.

Чарада Салкын Чишмә авылында һәйкәл ачуга үзләреннәнөлеш керткән оешма һәм предприятие җитәкчеләренә, аерым кешеләр, гаиләләр адресына да күп рәхмәт сүзләре әйтелде.

Авылга керү юлында, күл буенда урын алганәлеге һәйкәлгә яу кырында башларын салган 25 батыр сугышчының исемнәре уеп язылган. Шуны истә тотыйк, алар да тормышны яратканнардыр, киләчәк турында хыялланганнардыр, Җиңү көнен көткәннәрдер.

Традицион ал тасмалар киселгәннән соң авылдашлары истәлегенә Салкын Чишмә кешеләре чәчәкләр салдылар. Тантана авыл мәдәният йорты хезмәткәрләре һәм мәктәп укучылары көче белән әзерләнгән концерт программасы белән дәвам итте. Яңгыраган җырларһәм шигырьләр ветераннарга, тыл хезмәтчәннәренә, сугыш чоры балаларына багышланды.

Фәрдия Хәсәнова